ايماقتار • 16 قىركۇيەك، 2020

وت پەن سۋ – ءتىلسىز جاۋ

61 رەت كورسەتىلدى

كەشە سقو تج دەپارتامەنتى باستىعىنىڭ ورىنباسارى، ازاماتتىق قورعانىس پولكوۆنيگى نۇرلان اتىعاەۆ جۋرناليستەرگە بريفينگ بەرىپ، وڭىردەگى توتەنشە جاعدايلاردىڭ احۋالى بويىنشا بايانداما جاسادى، دەپ حابارلايدى Egemen.kz

"وتكەن اپتادا وبلىس اۋماعىندا 21 ءورت بولدى. بىرەۋىندە ادام اجال قۇشتى. بۇل وقيعا ايىرتاۋ اۋدانىنداعى كونستانتينوۆكا سەلوسىندا بولدى. ءورتتىڭ شىعۋىنا قوجايىننىڭ وت قاۋىپسىزدىگىن ساقتاماعاندىعى سەبەپ بولعان. ەسىك الدىندا جاققان وتتىڭ جالىنى توبەدەگى تەز جاناتىن شاتىرعا ءتيىپ، ءورت بىردەن سوندىرۋگە بولمايتىن كۇشكە ەنىپ كەتكەن. ناتيجەسىندە، ەكى پاتەرلىك ءۇيدىڭ ءبىر جاعى تولىعىمەن ورتتەنىپ، 75 شارشى مەتردى شارپىدى. ەڭ وكىنىشتىسى سول، ءۇي يەسى، 1967 جىلى تۋعان ادام ونىڭ ىشىندە قالىپ قازا تاپتى"، دەدى نۇرلان اتىعاەۆ.

سونىمەن قاتار ول 21 رەت ءورت ەسكى قاۋ مەن قامىستاردى جاققاننان ورىن العانىن جەتكىزدى. ء ورتتىڭ الدىن الۋ جانە باقىلاۋ ءۇشىن 232 ادامنان تۇراتىن 55 ۇتقىر توپ رەيدتەرگە شىعىپ، ازاماتتارعا ۇنەمى ءورت قاۋىپسىزدىگىن ەسكەرتىپ وتىرادى. بيىل سونداي 1 مىڭعا تاياۋ رەيد جاسالدى. سونىڭ ناتيجەسىندە 195 ادام جاۋاپكەرشىلىككە تارتىلىپ، 1 ملن تەڭگەدەي ايىپپۇل تولەدى. 

سونىمەن بىرگە تج قىزمەتى باستىعىنىڭ ورىنباسارى سۋ قاۋىپسىزدىگى تۋرالى دا باياندادى. بيىلعى جازدا وبلىستا 9 ادام سۋعا كەتكەن ەكەن. سونىڭ بىرەۋى بالا. سۋعا كەتۋشىلەردىڭ اراسىندا بالىقشىلار دا بولادى. سونداي وقيعا جۋىردا عانا مامليۋت اۋدانىنداعى وكۋنەۆو سەلوسىندا بولعان. بالىققا بارعان ءۇش ادامنىڭ ءبىرى ۇشتى-كۇيلى جوعالىپ، تەك ەكى كۇننەن كەيىن عانا ونىڭ ءولى دەنەسى قامىس اراسىنان تابىلعان. قازىر ونىڭ ءولىمىنىڭ سەبەبى انىقتالۋدا.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار