قوعام • 15 قىركۇيەك، 2020

قالاعان ەمحاناعا تىركەلۋ باستالدى

59 رەت كورسەتىلدى

ەكى اي ىشىندە نۇر-سۇلتان قالاسىنىڭ تۇرعىندارى وزدەرى قالاعان ەلورداداعى ەمحاناعا تىركەلە الادى. ال ەل كولەمىندە العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمدارعا قازاقستان ازاماتتارىن ءوز ەركىمەن تىركەۋ ناۋقانى 15 قىركۇيەكتە باستالىپ، 15 قاراشاعا دەيىن جالعاسادى، دەپ حابارلايدى Egemen.kz.

اكتسياعا ەلورداداعى بارلىق 15 قالالىق ەمحانالار مەن مەديتسينالىق كومەكتىڭ كەپىلدەندىرىلگەن كولەمىندە جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كومەك كورسەتەتىن جەكە مەديتسينالىق ۇيىمدار قاتىسادى. قالالىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا: "امسك كورسەتۋ ۇيىمدارىنا تىركەۋ ناۋقانىن باستادىق.  قىزمەت كورسەتۋدىڭ اۋماقتىق ءپرينتسيپىن ەسكەرىپ، ازاماتتارعا مەديتسينالىق كومەك الۋ ءۇشىن تۇرعىلىقتى مەكەن-جايىڭىزعا جاقىن ورنالاسقان ەمحانالاردى تاڭداۋعا كەڭەس بەرەمىز"، - دەدى.

نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ بەرگەن مالىمەتىنە سۇيەنسەك، بۇگىنگى كۇنگە دەيىن  قالاداعى امسك ۇيىمدارىنا 1 ميلليون 181 مىڭنان استام ادام تىركەلىپ، مەديتسينالىق كومەك الىپ كەلگەن ەكەن.

تۇلعانى امسك ۇيىمدارىنا تىركەۋ امبۋلاتوريالىق دەڭگەيدە مەديتسينالىق كومەك كورسەتۋدىڭ نەگىزى بولىپ تابىلادى جانە ول كەلەسى پرينتسيپتەر بويىنشا جۇزەگە اسىرىلادى: 1) اۋماقتىق قول جەتىمدىلىك; 2) امسك ۇيىمىن ەركىن تاڭداۋ; 3) امسك دارىگەرىن (جالپى تاجىريبە دارىگەرى، ۋچاسكەلىك تەراپەۆت، ۋچاسكەلىك پەدياتر) ەركىن تاڭداۋ; 4) وتباسىلىق قىزمەت; 5) مەنشىك فورماسىنا جانە ۆەدومستۆولىق باعىنىستىلىعىنا قاراماستان امسك ۇيىمدارىنىڭ تەڭدىگى مەن ءادىل باسەكەلەستىگى. ال 18 جاسقا تولماعان تۇلعالاردى  ونىڭ زاڭدى وكىلدەرىنىڭ بىرەۋى تىركەتۋگە قۇقىلى.

ازاماتتاردى امسك ۇيىمدارىنا تىركەۋ ولاردىڭ سۇرانىسى بويىنشا "ەلەكتروندىق ۇكىمەت" ۆەب-پورتالى ارقىلى جۇزەگە اسىرىلادى. تىركەۋ كەزەڭىندە قالا تۇرعىنى بۇعان دەيىن تىركەلگەن ۇيىمىنان اۆتوماتتى تۇردە شىعارىلادى. "ەمحاناعا ءوز ەركىمەن تىركەۋ قۇقىعىنىڭ جىلىنا ءبىر رەت قانا بەرىلەتىنىن ەسكەرتەمىز"، دەيدى دەنساۋلىق ساقتاۋ باسقارماسى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار