ەمحانادا الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى, قالانىڭ باس مەملەكەتتىك سانيتارلىق دارىگەرى جانداربەك بەكشين مەن الماتى قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ ماۋسىمدىق تۇماۋعا قارسى ۆاكتسينا سالدىردى.
ءباسپاسوز كونفەرەنتسياسى بارىسىندا جانداربەك بەكشين بيىلعى 15 قىركۇيەكتەن باستاپ اۋقىمدى ەگۋ باستالعانى تۋرالى حابارلادى.
"الداعى ماۋسىمدا جەرگىلىكتى بيۋدجەت قاراجاتىنا قاۋىپ توبىنداعى ادامدارعا تەگىن ۆاكتسينا ەگۋ ءۇشىن رەسەيدەن 130 مىڭ دوزا كولەمىندە ۇشۆالەنتتى تۇماۋعا قارسى "گريپپول پليۋس" ۆاكتسيناسى ساتىپ الىندى.
سونداي - اق, كۆي-ءدىڭ تىركەلۋىن ەسكەرە وتىرىپ, قوسىمشا 300 مىڭ دوزا ساتىپ الۋعا ءوتىنىش بەرىلدى", دەدى ج.بەكشين.
2019 جىلى قالا حالقىنىڭ 10,3 پايىزىنا (200 747), ونىڭ ىشىندە قاۋىپتى توپقا ەنگەن 100 000 ادامعا جەرگىلىكتى بيۋدجەت ەسەبىنەن تەگىن ۆاكتسينا ەگىلدى, 93 633 ادام جۇمىس بەرۋشىلەردىڭ ەسەبىنەن, 7114 - اقىلى تۇردە جەكەمەنشىك مەديتسينالىق ورتالىقتاردان ۆاكتسينا ەكتىرگەن. ەكپە سالدىرعانداردىڭ اراسىندا يممۋنيزاتسيادان كەيىن وزدەرىن جايسىز سەزىنۋ جاعدايلارى تىركەلمەگەن.
"بيىلعى جىلى ءبىز ۆاكتسينا سالدىرۋعا جاۋاپكەرشىلىكپەن قاراپ وتىرمىز, سەبەبى كوروناۆيرۋس پاندەمياسى كەزىندە اۋرۋلار قاباتتاسىپ كەتۋى مۇمكىن. وسى جاعدايدى ەسكەرە وتىرىپ, الماتىلىقتاردى ارىپتەستەرىمنىڭ ۆاكتسينا الۋعا شاقىرۋىنا بەي-جاي قاراماي, سول ارقىلى پاندەميا جانە ماۋسىمدىق اۋرۋلار ورشىگەن ۋاقىتتا جرۆي جانە تۇماۋمەن اۋىرۋدى ازايتۋعا شاقىرامىن. ساتىپ الىنعان ۆاكتسينا بۇرىننان بەرى جاقسى تانىلعان, حالىق اراسىندا ول ءبىرىنشى رەت ەگىلىپ جاتقان جوق. ۆاكتسينانىڭ ەشقانداي قاۋپى جوق", دەدى كامالجان نادىروۆ.
قالانىڭ ەپيدەميولوگيالىق قىزمەتىنىڭ مالىمەتتەرى بويىنشا, جرۆي مەن تۇماۋ بيىلعى جىلى قاراشانىڭ سوڭىنان باستاپ 2021 جىلدىڭ ءبىرىنشى توقسانىندا ءورشۋدىڭ ەڭ جوعارى شەگىنە جەتەدى. الداعى ەپيدەميالىق ماۋسىمنىڭ ەرەشەلىگى ونىڭ كوروناۆيرۋس ينفەكتسياسىمەن قاباتتاسۋ قاۋپى بولۋى مۇمكىن.
