ايماقتار • 14 قىركۇيەك، 2020

الماتى تاۋلارىندا ەرلى-زايىپتىلار قۇتقارىلدى

16 رەت كورسەتىلدى

رەسپۋبليكالىق جەدەل-قۇتقارۋ جاساعى تاۋدا ەرلى-زايىپتىلاردى قۇتقاردى، دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.

 

تاڭەرتەڭ ەرتەمەن سەرۋەنگە شىققان جاستار كوكشاقىر اۋىلىنا دەيىن كوتەرىلىپ، تاۋدى اسىپ وتكەن. سول جەردە سۇڭقار ۇستايتىن جەرگە جەتكەن دە، تۇسكى 15.00 شاماسىندا كەرى قايتقان.

الايدا جولدى شاتاستىرىپ الىپ، بيىك جارتاستان ءبىر-اق شىققان. قاراڭعىدا كەرى قايتۋ مۇمكىن بولماعان، سەبەبى داۋىل قۇلاتقان اعاشتار جولدى بوگەگەن. اقپاراتتى العاننان كەيىن زارداپ شەككەندەرگە كومەك كورسەتۋ ءۇشىن رەسپۋبليكالىق جەدەل-قۇتقارۋ جانە كينولوگيالىق جاساقتى قوسا العاندا، 6 ادام شىقتى.

اتالمىش توپ كولىكپەن سۇڭقار تالىمباعىنا جەتتى، سودان كەيىن داۋىستاپ ىزدەپ، جاياۋ ءجۇردى. 2-3 شاقىرىمنان كەيىن زارداپ شەككەندەردىڭ قولشام جارىعى بايقالدى. قۇتقارۋشىلار بارلىق قاۋىپسىزدىك شارالارىن ساقتاي وتىرىپ، تىك جارتاستى بويلاي تۋريستەرگە جەتتى. ولار مەديتسينالىق كومەككە مۇقتاج بولماسا دا، توڭا باستاعان ەكەن.

"ودان ءارى رەسپۋبليكالىق جەدەل-قۇتقارۋ جاساعىنىڭ جەدەل توبى ەرلى-زايىپتىلارعا قالىپتى جولعا تۇسۋگە كومەكتەستى، سودان كەيىن زارداپ شەككەندەردى ەكوپوستقا جەتكىزدى"، دەدى ۆەدومستۆودا.

 

الماتى

سوڭعى جاڭالىقتار

ۇقساس جاڭالىقتار