يدم ازاماتتىق اۆياتسيا كوميتەتىنىڭ ءباسپاسوز قىزمەتىنىڭ مالىمەتىنشە, قازاقستاننىڭ اۆياتسيالىق اكىمشىلىگىنىڭ ماماندارى 9-11 قىركۇيەك ارالىعىندا پەتروپاۆل حالىقارالىق اۋەجايىن تەكسەرگەن. تەكسەرۋ بارىسىندا ماماندار اۋە كەڭىستىگىن پايدالانۋ جانە ۇشۋلاردى اۋەايلاقتىق قامتاماسىز ەتۋ, ۇشۋلاردى ەلەكترجارىقتەحنيكالىق قامتاماسىز ەتۋ, ۇشۋلاردى اۆاريالىق-قۇتقارۋمەن قامتاماسىز ەتۋ بولىگىندە اۆياتسيا قىزمەتى تۋرالى زاڭناما تالاپتارىنىڭ بۇزىلۋىن انىقتاعان.
"تەكسەرۋ اياقتالعان كۇننەن باستاپ ءبىر اي ىشىندە زاڭبۇزۋشىلىقتاردى جويۋ قاجەتتىلىگى تۋرالى ينسپەكتورلىق نۇسقاما بەرىلدى", - دەلىنگەن حابارلامادا.
