"ەلوردانىڭ تۇرعىن ءۇي كەشەندەرىندە "smart" شلاگباۋمداردى ەنگىزۋ جوباسى مەن اۆتوكولىكتەردىڭ مەملەكەتتىك نومىرلەرىن انىقتاۋ جۇيەسى قولعا الىندى. بۇل تەحنولوگيا شۇعىل قىزمەت كولىكتەرىنىڭ ۇيلەردىڭ اۋلالارىنا كەدەرگىسىز كىرۋىنە مۇمكىندىك بەرەدى. ارنايى مالىمەتتەر بازاسىنا ەنگىزىلگەن كولىكتەر "smart" تەحنولوگيانىڭ كومەگىمەن شلاگباۋمنان ءوتىپ, اۋلاعا كىرە الادى. سونىمەن قاتار ءتىزىمدى قاجەت بولعان جاعدايدا تولىقتىرۋعا بولادى. ودان بولەك, بارلىق كىرىپ-شىققان اۆتوكولىكتەر ءتىزىمى جۋرنالعا تىركەلەدى", دەيدى ەلوردا اكىمى.
قالا اكىمىنىڭ ايتۋىنشا, جىل سوڭىنا دەيىن ءبىز تۇرعىن ۇيلەردىڭ 30%-نا دەيىن "smart" شلاگباۋمدارىمەن جابدىقتاۋ جوسپارلانعان.
"سونىمەن قاتار "قاۋىپسىز اۋلا" باعدارلاماسى اياسىندا اۋلانىڭ اۋماعىندا كامەرالار ورناتۋ جوسپارلانۋدا. بۇل ءوز كەزەگىندە قاۋىپسىزدىك دەڭگەيىن ارتتىرۋعا سەپتىگىن تيگىزەدى: ۇرلىق جاساۋ, بوتەننىڭ مۇلكىنە زيان كەلتىرۋ جانە باسقا قۇقىق بۇزۋشىلىقتار سانى ازايادى", دەيدى التاي كولگىنوۆ.
