قوعام • 14 قىركۇيەك، 2020

4،3 مىڭنان استام ادام جۇمىس كۇشى تاپشى وڭىرلەرگە قونىس اۋداردى

15 رەت كورسەتىلدى

2020 جىلدىڭ 8 ايىندا قازاقستاننىڭ جۇمىس كۇشى كوپ وڭىرلەرىنەن جۇمىس كۇشى تاپشى وڭىرلەرىنە جالپى سانى 4 386 ادام، ونىڭ ىشىندە ەڭبەككە جارامدى جاستاعى 2 303 ادام بار 1 273 وتباسى قونىس اۋداردى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

ەڭبەككە جارامدى وتباسى مۇشەلەرىنىڭ ىشىنەن 1 652 ادام جاڭا تۇرعىلىقتى جەرى بويىنشا جۇمىسقا ورنالاستىرىلدى.

ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىندا ەڭبەك رەسۋرستارىنىڭ ۇتقىرلىعىن ىنتالاندىرۋ ءۇشىن ۇكىمەت ايقىندايتىن وڭىرلەرگە ەرىكتى تۇردە قونىس اۋداراتىن ادامدارعا مەملەكەتتىك قولداۋ شارالارى كوزدەلگەن.

الماتى، جامبىل، ماڭعىستاۋ، تۇركىستان، قىزىلوردا وبلىستارى، سونداي-اق نۇر-سۇلتان، الماتى جانە شىمكەنت قالالارى قونىس اۋدارۋشىلاردىڭ شىعۋ وڭىرلەرى بولىپ ايقىندالدى. قابىلداۋ ايماقتارى: اقمولا، شىعىس قازاقستان، قاراعاندى، قوستاناي، پاۆلودار، سولتۇستىك قازاقستان وبلىستارى.

مەملەكەتتىك باعدارلاما اياسىندا ەرىكتى قونىس اۋدارۋعا قاتىسۋشىلار ءۇشىن سۋبسيديا تۇرىندە مەملەكەتتىك قولداۋ شارالارى ۇسىنىلادى، اتاپ ايتقاندا:

- كوشۋگە وتباسىنىڭ ءاربىر مۇشەسىنە 35 اەك-تەن ءبىر جولعى تولەم (92 مىڭ تەڭگە);

- 12 اي ىشىندە اي سايىن 15-تەن 30 اەك-كە دەيىن (39 مىڭنان 79 مىڭ تەڭگەگە دەيىن) تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەردى تولەۋ بويىنشا شىعىنداردى وتەۋ ءۇشىن وتباسى مۇشەلەرىنىڭ سانىنا جانە جەرگىلىكتى جەرگە بايلانىستى تولەنەدى.

سونداي-اق قونىس اۋدارۋشىلاردى تۇرعىن ۇيمەن قامتاماسىز ەتۋ بويىنشا شارالار قابىلدانۋدا.

سولتۇستىك قازاقستان وبلىسىندا جەكە تۇرعىن ءۇي قۇرىلىسىنىڭ 714 نىسانى سالىنادى، پاۆلودار وبلىسىندا قونىس اۋدارۋشىلاردى تۇرعىن ۇيمەن قامتاماسىز ەتۋ ءۇشىن 441 پاتەر ساتىپ الىنادى.

2020 جىلى بارلىعى 5 825 ادامدى (1 631 وتباسى) كوشىرۋ جوسپارلانۋدا.

سوڭعى جاڭالىقتار

ساقتانساڭ – ساۋ بولارسىڭ

ايماقتار • بۇگىن، 23:00

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار