"قوعامنىڭ سان-سالالى ومىرىندە ادام قۇقىقتارىن, زاڭدى مۇدەلەرىن قورعاۋ, قالپىنا كەلتىرۋدى بارىنشا قامتيتىن سالا – زاڭ سالاسى, قۇقىق, قۇقىقتىق قاتىناستار. ونىڭ باسىندا – كونستيتۋتسيامىز تۇر. ەگەمەن ەلىمىزدىڭ قۇقىقتىق مەملەكەتكە باعىت العاندىعىنان ازاماتتاردىڭ قۇقىقتىق ساۋاتتى بولۋى بارعان سايىن پارمەندى جاعدايعا اينالۋدا. ازاماتتاردى قۇقىقتىق جاعىنان قولداۋ, قۇقىقتىق كومەك كورسەتۋ ماقساتىمەن اباي اتىنداعى قازۇپۋ رەكتورى, الماتى قالاسى, مەدەۋ اۋداندىق Nur Otan فيليالىنا قاراستى "اباي" باستاۋىش پارتيا ۇيىمىنىڭ توراعاسى تاكير بالىقباەۆتىڭ باستاماسىمەن قايىرىمدىلىق اكتسياسى ۇيىمداستىرىلدى", دەپ اتاپ ءوتتى اباي اتىنداعى قازۇپۋ پروفەسسورى گۇلجازيرا مەيىربەكوۆا.
قايىرىمدىلىق اكتسياسى كەزىندە كافەدرا مەڭگەرۋشىسى زاڭ عىلىمدارىنىڭ دوكتورى, پروفەسسور ەرمەك بۋريباەۆ باسشىلىعىمەن قازاقستاندىق ەڭبەكتى قورعاۋ, الەۋمەتتىك قامسىزداندىرۋ, بالا مەن انانى قورعاۋ بويىنشا زاڭ جوبالارىنا ۇسىنىس بەرىپ, دامۋىنا ۇلەس قوسىپ جۇرگەن زاڭ عىلىمدارىنىڭ دوكتورى, پروفەسسور جاننا حامزينا, تاۋەلسىز ەلىمىزدىڭ ەڭبەك قۇقىعىنىڭ ىرگەتاسىن قالاۋشى, ۋنيۆەرسيتەت زاڭگەرى داۋلەت رىسقاليەۆ, زاڭ عىلىمدارىنىڭ دوكتورى, قاۋىمداستىرىلعان پروفەسسور ايگۇل بيجانوۆا, زاڭ عىلىمدارىنىڭ كانديداتى, قاۋىمداستىرىلعان پروفەسسور باقىتقالي كوشپەنبەتوۆ, ۋنيۆەرسيتەت دوتسەنتى, ادۆوكات زاڭگەر گۇلجازيرا مەيىربەكوۆا, قۇقىق ماگيسترى دينارا بەلحوجاەۆا, قۇقىق ماگيسترى جانار مولداحمەتوۆا قاتىسۋىمەن, 80-دان اسا الەۋمەتتىك وسال ساناتتارىنا جاتاتىن ازاماتتارعا جان-جاقتى, تياناقتى, نەگىزدى قۇقىقتىق كەڭەستەر بەرىلدى. قۇقىقتىق كومەك العان ازاماتتاردىڭ اتى-ءجونى تىركەلىپ, كافەدرا بويىنشا ەسەپ بەرىلدى. ونىڭ ىشىندە جارتىسىنان استام ازاماتتار الدىن الا جازىلۋ ارقىلى كەڭەس السا, قالعانى قاراعاندى, پاۆلودار, اتىراۋ, شىمكەنت قالالارىنىڭ تۇرعىندارى تىكەلەي تەلەفون ارقىلى حابارلاسىپ, الەۋمەتتىك كومەك, مۇگەدەكتىگى بويىنشا تاعايىندالاتىن جاردەماقى تۋرالى, تۇرعىن ءۇي ماسەلەسى بويىنشا جاڭا باعدارلامالار جونىندە قۇقىقتىق كەڭەستەر الدى.
"قايىر قىلساڭ – ءبۇتىن قىل" دەمەكشى, بولاشاقتا "قۇقىقتانۋ" كافەدراسىنىڭ بىلىكتى ماماندارى تەگىن قۇقىقتىق كومەك بەرۋ شارالارىن ءارى قاراي جالعاستىراتىن بولادى.
