ايەل №3 قالالىق اۋرۋحاناعا جاتقىزىلدى. كولىك تىزگىنىندە بولعان وبلىس ورتالىعىنىڭ 57 جاستاعى تۇرعىنىنا قاتىستى اكىمشىلىك قۇقىق بۇزۋشىلىق تۋرالى كودەكسىنىڭ "جاياۋ جۇرگiنشiلەردىڭ نەمەسە جول ءجۇرiسiنiڭ وزگە دە قاتىسۋشىلارىنىڭ جۇرۋiنە باسىمدىق بەرمەۋ" بابى بويىنشا ماتەريال جينالدى. اۆتوكولىك ارنايى تۇراققا قويىلدى.
"جول قوزعالىسى قاۋىپسىزدىگىنە كوپتەگەن فاكتورلار اسەر ەتەدى, جول جاعدايىنان باستاپ, جولدىڭ كورىنۋىنە دەيىن, الايدا, قاۋىپسىزدىكتىڭ نەگىزى – جۇرگىزۋشىلەرمەن, جاياۋ جۇرگىنشىلەر مەن باسقا دا جول قوزعالىسى قاتىسۋشىلارىمەن قوزعالىس ەرەجەلەرىن قاتاڭ ساقتاۋ بولىپ تابىلادى. جول قيىلىستارى, جاياۋ جۇرگىنشىلەر جولاعىنا جاقىنداعان كەزدە جولداعى جاعدايدىڭ كەنەتتەن وزگەرۋىنە دايىن بولۋ ءۇشىن جىلدامدىقتى ازايتۋ قاجەت. بارلىق جول قوزعالىسىنا قاتىسۋشىلاردى جولدا ساق بولۋعا جانە جول قوزعالىسى ەرەجەلەرىن بۇلجىتپاي ساقتاۋعا شاقىرامىز", اتاپ ءوتتى سقو پوليتسيا دەپارتامەنتى باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.
اعىمداعى جىلدىڭ 8 ايىندا سقو جولدارىندا جاياۋ جۇرگىنشىلەردى سوعىپ كەتۋمەن بايلانىستى 31 جول-كولىك وقيعاسى تىركەلدى. اپاتتان 6 ادام كوز جۇمىپ, 29 ادام جاراقات العان. 12 جاعداي جاياۋ جۇرگىنشىلەر جولاعىمەن ءوتۋ ەرەجەلەرىن بۇزۋىمەن بايلانىستى ورىن العان.
