تەك ەلىمىزدىڭ باتىسىندا جانە وڭتۇستىگىندە اتموسفەرالىق فرونتتاردىڭ وتۋىنە بايلانىستى جاڭبىر جاۋادى. باتىستا نايزاعاي جارقىلداپ, جاۋىن-شاشىن بولادى.
رەسپۋبليكا بويىنشا كەي جەردە تۇمان ءتۇسىپ, جەل ەكپىنى 15-20 م/س جەتەدى. باتىستا داۋىل سوعىپ, بۇرشاق جاۋى ىقتيمال.
باتىس قازاقستان, جامبىل, تۇندە قىزىلوردا, كۇندىز ماڭعىستاۋ, اتىراۋ, قاراعاندى وبلىستارىنىڭ كەي جەرىندە جەل 15-20 م/س دەيىن كۇشەيەدى.
باتىس قازاقستان, اتىراۋ وبلىستارىنىڭ كەي جەرىندە داۋىل تۇرىپ, بۇرشاق جاۋى ىقتيمال.
قوستاناي, سولتۇستىك قازاقستان, پاۆلودار, شىعىس قازاقستان, قاراعاندى وبلىستارىندا تۇندە جانە تاڭەرتەڭ تۇمان تۇسەدى.
اقمولا, قاراعاندى, سولتۇستىك قازاقستان, پاۆلودار, شىعىس قازاقستان وبلىستارىنىڭ كەي ايماعىندا تۇندە 1-3 گرادۋس ۇسىك, قوستاناي وبلىسىندا تۇندە توپىراق بەتىندە 1-3 گرادۋس ۇسىك جۇرەدى.
اتىراۋ وبلىسىندا, قىزىلوردا, باتىس قازاقستان, قاراعاندى وبلىستارىنىڭ باسىم بولىگىندە, تۇركىستان وبلىسىنىڭ كەي جەرىندە, اقتوبەدە جانە الماتى وبلىسىنىڭ باتىسىندا توتەنشە ءورت قاۋپى ساقتالادى.
