كەزدەسۋ بارىسىندا شاھار باسشىسى ەلباسى ۇسىنعان رۋحاني جاڭعىرۋ — بۇگىندە ۇلتتىق يدەيا دەڭگەيىنە كوتەرىلگەنىن, مەملەكەت قوعامنىڭ رۋحاني-مادەني دامۋىنا ايرىقشا نازار اۋدارىپ وتىرعانىن جەتكىزدى. سونداي-اق, م.ايتەنوۆ ۇلتتىق كودتى ساقتاۋ مەن ماڭگىلىك ەل مۇراتىنا قول جەتكىزۋدە شىعارماشىلىق زيالى قاۋىم وكىلدەرىنىڭ ماڭىزدى ءرول اتقاراتىنىن اتاپ ءوتتى.
ء"سىز قازاق پوەزياسى مەن ساتيراسىنا ەلەۋلى ەڭبەك ءسىڭىردىڭىز. "قارلىعاش", "گۇل قاۋىزىنداعى تامشى", "كۇن ۇلىمىن" اتتى جىر جيناقتارىڭىز بەن اسەم اندەرىڭىز كوپشىلىككە كەڭىنەن تانىمال. سونىمەن قاتار ءسىزدىڭ "ابزالدىق الىپپەسى", "جۇرەكتەگى جازۋلار" سىندى تۋىندىلارىڭىزدىڭ تاربيەلىك ءمانى زور", دەگەن مۇرات دۇيسەنبەك ۇلى اقىندى اسقارالى 60 جاسقا تولۋىمەن قۇتتىقتاپ, وعان شالقار شابىت پەن زور دەنساۋلىق تىلەدى.
ايتا كەتەيىك, بۇگىن شىمكەنت قالاسىنىڭ اباي اتىنداعى ورتالىق كىتاپحاناسىندا اكىم ىسقاقتىڭ 60 جىلدىعىنا ارنالعان "مولدىرەيدى جۇرەكتەگى جازۋلار" اتتى كەزدەسۋ كەشى مەن كىتاپ كورمەسى ءوتتى.
