ايماقتار • 09 قىركۇيەك, 2020

شىمكەنتتە 112 شاقىرىم جولعا شاعىل تاس توسەلدى

473 رەت
كورسەتىلدى
1 مين
وقۋ ءۇشىن

بيىل شىمكەنت قالاسىندا جالپى بيۋدجەتتەن اۆتوموبيل جولدارى سالاسىن دامىتۋ ماقساتىندا 25,7 ملرد تەڭگە قارالعان. وعان 259 نىسان نەمەسە 416 شاقىرىم جول مەن كوشەگە قۇرىلىس-جوندەۋ جۇمىستارى جۇرگىزىلەدى, دەپ حابارلايدى Egemen.kz.

شىمكەنتتە 112 شاقىرىم جولعا شاعىل تاس توسەلدى
ونىڭ ىشىندە 310 شاقىرىمى وسى جىلى پايدالانۋعا بەرىلەدى.  
 
سونىمەن قاتار قالا اۋماعىنداعى توپىراق جولدىڭ ماسەلەسىن شەشۋ ماقساتىندا 112 شاقىرىم جولعا شاعال تاس توسەلەدى.
 
ءبىرىنشى كەزەكتە شاعال تاس جولدارعا اسفالت توسەۋگە جانە ماگيسترالدى كوشەلەردەگى جولاۋشىلار اعىنى كوپ, كولىك كەپتەلىسى ءجيى ورىن الاتىن تۇستاردا اسفالت جابىنىن قالپىنا كەلتىرۋگە باسىمدىلىق بەرىلگەن. اتاپ ايتقاندا, رەسپۋبليكا داڭعىلى, تۇركىستان, ءا.جانگەلدين, ش.قالداياقوۆ, ا.اسقاروۆ, يۋ. گاگارين, ت.رىسقۇلوۆ, ق.رىسقۇلبەكوۆ, اناروۆ, ءا.تاجىباەۆ, قاپال باتىر, تولە بي, ش.ەرمانوۆ, ي.تايمان ۇلى, سىرىم باتىر, م.بولەشوۆ, و.جاندوسوۆ, جىبەك جولى, ج.ايماۋىتوۆ, ج.ادىربەكوۆ, قۇرمانبەكوۆ, ا.بايتۇرسىنوۆ, ق.قازيەۆ كوشەلەرى مەن №1 اۆتوموبيل جولى جانە ورداباسى الاڭىندا ورتاشا جوندەۋ جۇمىستارى اتقارىلۋدا.
 
ايتا وتسەك, شىمكەنت قالاسىندا اۆتوموبيل جولدارىنىڭ جالپى ۇزىندىعى 2 977 شاقىرىمدى قۇرايدى. ونىڭ ىشىندە, اسفالت-بەتوندى – 1 758, شاعال تاس – 1 107, توپىراق – 112 شاقىرىم.
سوڭعى جاڭالىقتار