"ددۇ باس ديرەكتورى تەدروس گەبرەيسۋستىڭ ايتۋىنشا, "بۇل سوڭعى پاندەميا ەمەس. تاريح بىزگە اۋرۋدىڭ ءورشۋى مەن پاندەميانىڭ ءومىردىڭ ءبىر بولىگى ەكەنىن ۇيرەتەدى". شۆەيتساريانىڭ قوعامدىق دەنساۋلىق ساقتاۋ فەدەرالدى باسقارماسى قازاقستاندى ودان قايتىپ ورالعاننان كەيىن كارانتيندى ساقتاۋ قاجەت ەلدەر تىزىمىنەن شىعارعانىن اتاپ وتكەن ءجون. بۇل رەتتە, شۆەيتسارياعا باسقا ەلدەردەن كەلگەن ادامدار كارانتينگە جىبەرىلەدى. بۇل ەلدەردىڭ ءتىزىمى 7 قىركۇيەكتە جاڭارتىلدى. بۇل COVID-19-مەن كۇرەسۋدىڭ جانە قازاقستانداعى اعىمداعى ەپيدەميالىق جاعدايدى تۇراقتاندىرۋدىڭ تاكتيكاسى دۇرىس تاڭدالعانىن كورسەتەدى", دەدى مينيستر.
اۋرۋدىڭ تارالۋىن بولدىرماۋ جانە ەلدەگى ەپيدەميالىق جاعدايدى سيپاتتايتىن وڭ ديناميكانى ساقتاۋ ماقساتىندا كەيبىر شەكتەۋ ءىس-شارالارى مەن دەمالىس كۇنگى لوكداۋندار ساقتالۋدا. سونداي-اق, مينيسترلىك كۇزگى ماۋسىمعا دايىندىقتى قامتاماسىز ەتۋ بويىنشا شارالار قابىلداۋدا.
ەل بويىنشا توسەك-ورىندار سانى كوروناۆيرۋسقا ارنالعان 54 178 توسەك-ورىندى قۇرايدى, بۇل قولدانىستاعى 16 304 ينفەكتسيالىق توسەك-ورىن, 2 790 جاڭا سالىنىپ جاتقان نىسان جانە باسقا ستاتسيونارلارداعى 32 064 توسەك-ورىن. رەانيماتسيالىق توسەك-ورىن سانى 2 981-گە جەتەدى. 2020 جىلعى 9 قىركۇيەكتەگى جاعداي بويىنشا قر بويىنشا 19 066 ينفەكتسيالىق توسەك-ورىن جۇمىس ىستەيدى, ال رەانيماتسيالىق توسەك-ورىننىڭ 14%-ى قامتىلعان. قازىرگى ۋاقىتتا ينفەكتسيالىق جانە پروۆيزورلىق ستاتسيونارلاردا 3 379 ءوجج اپپاراتى, قوسىمشا تاعى 2 619 بىرلىك ساتىپ الىنادى, سونىڭ ىشىندە وتاندىق ءوندىرىستىڭ 1 500 اپپاراتى بار.
ا.تسوي مالىمدەگەندەي, بۇگىندە رەسپۋبليكادا 21 566 توسەك-ورىن وتتەگىمەن قامتاماسىز ەتىلگەن. بۇل رەتتە قوسىمشا 9300 توسەك-ورىندى قامتاماسىز ەتۋ جوسپارلانۋدا. سونىڭ 6400-ءى جەرگىلىكتى بيۋدجەت جانە دەمەۋشىلىك قاراجات ەسەبىنەن, 2900-ى رەسپۋبليكالىق بيۋدجەت قاراجاتى ەسەبىنەن قارجىلاندىرىلعان.
