تەحنولوگيا • 08 قىركۇيەك، 2020

الماتى وبلىسىنداعى اۋىلداردىڭ 90%-دان استامى عالامتورعا قوسىلدى

112 رەت كورسەتىلدى

الماتى وبلىسىنداعى 732 اۋىلدىق ەلدى مەكەننىڭ 660-ى عالامتور جەلىسىنە قوسىلعانى تۋرالى الماتى وبلىسىنىڭ ءباسپاسوز قىزمەتى حابارلايدى، - دەپ جازادى Egemen.kz

وبلىستىق تسيفرلىق تەحنولوگيالار باسقارماسى حابارلاعانداي، تسيفرلىق دامۋ جانە اەروعارىش ونەركاسىبى مينيسترلىگى جۇزەگە اسىرعان "تالشىقتى-وپتيكالىق بايلانىس جەلىلەرى تەحنولوگياسىن قولدانا وتىرىپ، اۋىلدىق ەلدى مەكەندەرگە كەڭجولاقتى قولجەتىمدىلىكتى قامتاماسىز ەتۋ" جوباسى اياسىندا الماتى وبلىسىندا جوسپارلانعان 223 اۋىلدىڭ 182-سىنە تالشىقتى-وپتيكالىق بايلانىس جەلىلەرى جەتكىزىلدى. بۇل 82%-دى قۇرايدى. اتقارىلعان جۇيەلى جۇمىس الداعى ۋاقىتتا جالعاسىن تابادى.

قالا مەن اۋىل اراسىنداعى تسيفرلى الشاقتىقتى ازايتۋ ماقساتىندا وبلىستىڭ ەڭ شالعاي اۋداندارىنا تالشىقتى-وپتيكالىق بايلانىس جەلىلەرى تارتىلۋدا. ماسەلەن، وتكەن جىلى وبلىستىڭ كەڭ شەكارالاس رايىمبەك اۋدانى، سونداي-اق شالعايداعى بالقاش اۋدانى كەڭجولاقتى عالامتورعا قوسىلدى. ناتيجەسىندە، وبلىستىڭ 60 مىڭنان استام تۇرعىنى زاماناۋي تسيفرلى قىزمەتتەرگە، سونىڭ ىشىندە ەلەكتروندى مەملەكەتتىك قىزمەتتەرگە، قاشىقتان وقىتۋعا قول جەتكىزدى.

عالامتورعا قاتىستى جەدەل شەشىلگەن ماسەلەنىڭ ءبىرى – ءموبيلدى ينتەرنەت. قازىرگى ۋاقىتتا وبلىستىڭ 572 اۋىلدىق ەلدى مەكەننىڭ ءموبيلدى ينتەرنەتكە قولجەتىمدىلىگى ارتىپ وتىر.  بۇل 78%-دى قۇرايدى.

قازاقستاندىق ۇيالى بايلانىس وپەراتورلارى مەن تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگى اراسىندا جاسالعان مەموراندۋم شەڭبەرىندە اعىمداعى جىلدىڭ سوڭىنا دەيىن ءموبيلدى ينتەرنەت تاعى 84 اۋىلعا تارتىلىپ، كورسەتكىش 89%-عا جەتەدى دەپ جوسپارلانۋدا. ناتيجەسىندە، وبلىستىڭ 656 اۋىلى ءموبيلدى ينتەرنەتپەن قامتىلاتىن بولادى.

وسى ماقساتتا وبلىستىڭ تسيفرلىق تەحنولوگيالار باسقارماسى مەموراندۋم جاسادى. ول ۇيالى بايلانىس وپەراتورلارىنىڭ جابدىقتارىن ورنالاستىرۋ ءۇشىن ءبىر مەزگىلدە سىرتقى جارىقتاندىرۋ تىرەكتەرى مەن نەگىزگى تىرەكتەرى رەتىندە قىزمەت ەتەتىن كوپفۋنكتسيونالدى قۇرىلىمداردى ورناتۋدى كوزدەيدى. وسى كەلىسىم شەڭبەرىندە وبلىستىڭ ەلدى مەكەندەرىندە ەكى ماقساتتى 11 قۇرىلىمدار ىسكە اسىرىلادى. سونىڭ ىشىندە جامبىل، ەسكەلدى، تالعار، پانفيلوۆ، ۇيعىر، قاراساي، ىلە اۋداندارى مەن قاپشاعاي قالاسىنداعى بىرقاتار اۋىل قاراستىرىلعان.

وبلىستىڭ ءار وڭىرىنە قوسىمشا كوپفۋنكتسيونالدى قۇرىلىمداردى ورناتۋ قاجەتتىلىگىن انىقتاۋ بويىنشا جۇيەلى جۇمىس جالعاسۋدا. بۇل قازىرگى تاڭداعى قاشىقتان وقىتۋ جاعدايى ءۇشىن اسا ماڭىزدى.

سوڭعى جاڭالىقتار

قىزىلجارداعى ماعجان كورمەسى

رۋحانيات • بۇگىن، 21:02

قاراتورعاي

ادەبيەت • بۇگىن، 21:00

كۇيدەن تۋعان ولەڭ

رۋحانيات • بۇگىن، 20:50

گوشە رەاكتسياسى

قوعام • بۇگىن، 20:48

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار