ەكولوگيا, گەولوگيا جانە تابيعي رەسۋرستار مينيسترلىگى 2030 جىلعا قاراي ەلدەگى ورمانشىلىق ۇلەسىن اعىمداعى 4,7%-دان پايىزدان 5%-عا دەيىن ۇلعايتۋدى جوسپارلاپ وتىر.
مەملەكەت باسشىسى جولداۋىندا اتاپ وتكەندەي, 5 جىل ىشىندە ورمان قورىندا 2 ملرد جانە ەلدى مەكەندەردە 15 ملن اعاش وتىرعىزىلادى.
بۇعان قوسا, ەلوردانىڭ اينالاسىنداعى جاسىل بەلدەۋدىڭ تاجىريبەسىن بۇكىل وڭىرلەرگە ەنگىزۋ كوزدەلىپ وتىر. نۇر-سۇلتان قالاسىنىڭ ماڭىنداعى ورمان 2023 جىلعا قاراي 87,8 مىڭ گەكتاردان 100 گەكتارعا جەتكىزىلەدى. ەلوردانىڭ اينالاسىنداعى جاسىل بەلدەۋ تاجىريبەسى كورسەتكەندەي, اعاشتار كليماتتى بىرتىندەپ وزگەرتەدى, ونى جۇمساق ەتەدى, جەلدەن قورعايدى. سونىمەن قاتار, جاسىل بەلدەۋدە مارال, ەلىك, سۋىر, دالا قارساعى, قوياندار مەن قىرعاۋىلدار مەكەندەي باستاعان.
