Fight Nights جانە GFC ۇيىمدارىنىڭ ەڭ ۇزدىك سپورتشىلارى باس قوساتىن جارىستا قازاقستاننىڭ ءتورت بىردەي ورەنى ونەر كورسەتەدى. باستى جەكپە-جەك ورتا سالماقتاعى (84 كيلو) داۋرەن ەرمەكوۆ پەن رەسەيلىك ۆلاديمير مينەەۆ اراسىندا وتەدى. قوس سپورتشىنى جاقىنىراق تانىستىراتىن بولساق, 32 جاستاعى قانداسىمىز باستاپقىدا ەركىن كۇرەسپەن اينالىستى. ودان كەيىن قويان-قولتىق ايقاسپەن شۇعىلداندى. وكتاگوندا وسى كۇنگە دەيىن 20 كەزدەسۋ وتكىزگەن داۋرەن 14 مارتە باسىمدىق تانىتتى. توعىز باسەكەنى مەرزىمىنەن بۇرىن اياقتادى. سوڭعى رەت ول وسىدان ءۇش جىلدان اسا ۋاقىت بۇرىن ايۋب گيمباتوۆتان ۇتىلسا, ودان كەيىن قاتارىنان بەس رەت رەت جەڭىس تويىن تويلادى.
ال 30 جاستاعى ەكاتەرينبۋرگتىڭ تۋماسى كيكبوكس پەن مۋاي-تايدىڭ حاس شەبەرى. 15 مارتە ايقاس الاڭىنا شىققان مينەەۆ 13 جەكپە-جەكتى ءوز پايداسىنان شەشتى. 11 كەزدەسۋدى مەرزىمىنەن بۇرىن اياقتادى. ءبىر رەت ۇتىلىپ, تاعى ءبىر باسەكەدە تەڭ ەسەپ تىركەلدى.
سونداي-اق, سول جارىستا گويتي دازاەۆ يركۋتسكىلىك ماكسيم بۋتورينمەن, ءسابيت ءجۇسىپوۆ كالينينگرادتىق الەكساندر لۋنەۆپەن جانە مۇراتبەك قاسىمباي داعىستاندىق مۇحاممەد ەمينوۆپەن كۇش سىناسادى.
