ايماقتار • 07 قىركۇيەك، 2020

قىزىلوردا وبلىسىندا 22 مادەني نىسان جوندەۋدەن وتۋدە

20 رەت كورسەتىلدى

قىزىلوردا وڭىرىندە الەۋمەتتىك نىساندار جوندەلىپ، قايتا جاڭعىرۋدا، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

بيىل "جۇمىسپەن قامتۋ 2020-2021" جول كارتاسى اياسىندا ەسكى عيماراتتار كۇردەلى جوندەۋدەن ءوتىپ، ەل يگىلىگىنە باعىتتالۋدا. بيىلدىڭ وزىندە وڭىردەگى 22 مادەني نىساندى قايتا جوندەۋگە قارجى قارالعان. ياعني 5 نىسانعا قايتا جاڭعىرتۋ، 3 نىسانعا كۇردەلى جوندەۋ، 14 نىسان اعىمداعى جوندەۋ جۇمىستارىنان وتكەن. مادەنيەت سالاسىنداعى قۇرىلىس جۇمىستارى ناتيجەسىندە 376 ۋاقىتشا جۇمىس ورنى اشىلىپ، ازاماتتار جۇمىسپەن قامتىلعان.

باعدارلاما شەڭبەرىندە قىزىلوردا وبلىستىق فيلارمونياسىنىڭ عيماراتى جانە شيەلى اۋدانىنداعى تاريحي-ولكەتانۋ مۋزەيىنە قوسالقى قۇرىلىس جۇمىستارى جۇرگىزىلگەن. سونداي-اق 150 ورىندىق شيەلىدەگى جيدەلىارىق ەلدى مەكەنىندە اۋىلدىق كلۋب پەن قازالى اۋدانى، اقسۋات ەلدى مەكەنىندەگى اۋىلدىق كلۋبتىڭ ورنىنا جاڭا عيمارات سالىنۋدا. ال، جاڭاقورعانداعى تۇگەسكەن ەلدى مەكەنىندەگى اۋىلدىق كلۋبتى قايتا جاڭعىرتۋ جۇمىستارى اياقتالۋعا جاقىن.

بيىل كۇردەلى جوندەۋدى قاجەت ەتەتىن مادەنيەت نىساندارىنا دا قارجى بولىنگەن. ماسەلەن، ارال اۋداندىق ءارحيۆى فيليالىنىڭ عيماراتى كۇردەلى جوندەۋدەن وتۋدە. سونىمەن بىرگە شيەلىدەگى "جانازار باتىر" اۋىلدىق مادەنيەت ءۇيى مەن جاڭاقورعان اۋدانى، جاڭاارىق اۋىلىنداعى اۋىلدىق كلۋبىن كۇردەلى جوندەۋ جۇمىستارى ىسكە اسۋدا.

جاۋاپتى مامانداردىڭ سوزىنە سۇيەنسەك، قازىرگى ۋاقىتتا 22 نىساننىڭ ىشىندە اعىمداعى جوندەۋدى قاجەت ەتكەن 14 نىساننىڭ جۇمىسى تولىق اياقتالعان. قالعان نىسانداردى مەردىگەر كومپانيالار بەلگىلى مەرزىم ىشىندە اياقتاماق.

سوڭعى جاڭالىقتار

الداعى ءۇش تاۋلىكتە كۇن سۋىتادى

اۋا رايى • بۇگىن، 11:55

ۇقساس جاڭالىقتار