ولجاس تولەۋوۆ اقشا-نەسيە ساياساتى, ماكروەكونوميكا, ەكونوميكالىق-ماتەماتيكالىق مودەلدەۋ جانە ت.ب. ماسەلەلەرگە اتسالىسادى. ولجاس تولەۋوۆ ءال-فارابي اتىنداعى قازاق ۇلتتىق ۋنيۆەرسيتەتىنىڭ ەكونوميكا جانە بيزنەس جوعارى مەكتەبىن بىتىرگەن. سونىمەن قاتار ول – قازاقستان رەسپۋبليكاسى ۇلتتىق بانكىنىڭ ماگيسترى. ۆۋسونگ ۋنيۆەرسيتەتىنىڭ (كورەيا) Solbridge بيزنەس مەكتەبىندە, رەسەيدىڭ ورتالىق بانكى, چەحيا مەن شۆەيتساريانىڭ ۇلتتىق بانكتەرىندە, سونداي-اق بۇۇ-نىڭ ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسياسىندا (ESCAP) تاعىلىمدامادان ءوتىپ, ءبىلىمىن جەتىلدىرگەن.
ولجاس تولەۋوۆ ءار جىلدارى AERC عىلىمي-كەڭەس بەرۋ كومپانياسىندا جۇمىس ىستەدى. وسى ۋاقىت ىشىندە ول بيزنەس-تالداۋشى قىزمەتىنەن باسقارۋشى ديرەكتور لاۋازىمىنا دەيىن كوتەرىلىپ, ستراتەگيالىق جانە كۆازيمەملەكەتتىك جوبالار مەن باعدارلامالاردى ازىرلەۋگە قاتىستى. وسىعان دەيىن ول ەڭبەك جانە حالىقتى الەۋمەتتىك قورعاۋ مينيسترلىگىنىڭ جانىنداعى "ەڭبەك رەسۋرستارىن دامىتۋ ورتالىعى" اق ۆيتسە-پرەزيدەنتى بولدى.
