مەديتسينا • 07 قىركۇيەك، 2020

قاراپايىم مەديتسينالىق كومەككە مۇقتاج

9 رەت كورسەتىلدى

مەملەكەت باسشىسى قاسىم-جومارت توقاەۆ ءوز جولداۋىندا مەديتسينانىڭ دامۋىنا تىڭ سەرپىن بەرىلەتىنىن اتاپ ءوتتى. اسىرەسە، اۋىلدىق ەلدى مەكەندەردەگى ءتيىمدى دەنساۋلىق ساقتاۋ جۇيەسىن جەتىلدىرۋگە 3 جىلداي ۋاقىت قاجەتتىگىن ايتتى. شىن مانىندە، بۇل – يگى باستاما. مەملەكەتىمىزدىڭ قۇندىلىعى – حالىق دەسەك، حالىق ءۇشىن باستىسى – دەنساۋلىق. ەلدى مەكەندەردەگى حالىق دەنساۋلىعى، اسىرەسە، وزەكتى.

مۇنى مەن دارىگەر رەتىندە عانا ەمەس، اۋىلدا تۋىپ-وسكەن، ەڭبەك ەتىپ جۇرگەن ازامات رەتىندە ايتىپ وتىر­­مىن. كوپتەگەن اۋىلداعى تۇرعىندار قاراپايىم مەديتسينا­لىق كومەككە مۇقتاج. ونىڭ ۇستى­نە، ءدارى­حانالاردىڭ جوقتىعى قي­نال­تادى.

مەنىڭ دارىگەر رەتىندەگى ارمانىم ەلدى مەكەندە كابينەت اشۋ بولاتىن. وسىدان 4-5 جىل بۇرىن سول ارمانعا قول جەتكىزىپ، قىزىلوردا وبلىسىنىڭ ماحامبەت اۋىلىنان كىشكەنە عانا كلينيكا مەن ءدارىحانا اشتىق. وتكەندە عانا كوروناۆي­رۋس پاندەمياسىنىڭ ۋشىعىپ تۇر­عان كەزىندە قانشاما اۋىل ادا­مى ءدارى ىزدەپ جان-جاقتى شارلاپ كەتتى. سول كەزدە حالىق ءۇشىن ءدارى­حا­نانىڭ قاجەتتىلىگىنە تاعى ءبىر كوز جەتكىزدىم.

سونىمەن قاتار پرەزيدەنت الىس ەلدى مەكەندەردە كولىكتىك مەديتسينانى جاڭعىرتۋدى قولعا الۋدى اتاپ ءوتتى. بۇرىن بۇل سالا جاق­سى دامىعان ەدى. قازىر قايتا جاڭعىرتار بولسا، نۇر ۇستىنە نۇر بولادى.

جالپى، مەملەكەتىمىزدەگى بي­لىك­تىڭ حالىقتىڭ مۇڭ-مۇقتاجىن تىڭداپ، زامان اعىمىنا سايكەس وزگەرە ءبىلۋى قۋانتادى.

قازىر رەسپۋبليكا دەڭگەيىندە دەنساۋلىق ساقتاۋ جۇيەسىنىڭ ءماز ەمەس ەكەنى بارشاعا ءمالىم. اسى­رە­سە، ماتەريالدى-تەحنيكالىق با­زا­نىڭ جەتكىلىكسىزدىگى، بىلىكتى ما­مانداردىڭ ازدىعى، مەديتسينالىق قىزمەت ساپاسىنىڭ تومەندىگى، ەڭ باستىسى دارىگەرلەر ايلىعىنىڭ ازدىعى مەديتسينا سالاسىنا جاڭا كادرلاردىڭ بارۋىنا كەدەرگى.

مىسالى، اقش مەديتسينا سالاسىنا جىلىنا ىشكى جالپى ءونىمىنىڭ 16،4 پايىزىن جۇمسايدى، ال شۆەي­تساريا 12،1 پايىزىن بو­لەدى. ءبىزدىڭ ەلىمىزدەگى بۇل كور­سەت­كىش 3،4 پايىز شاماسىندا عانا.

جالپى، كەز كەلگەن ەلدىڭ دەن­ساۋلىق ساقتاۋ جۇيەسىن سول ەل­دەگى ادام ءومىرىنىڭ ۇزاقتىعىمەن ولشەيدى. بۇل جاعىنان قازاقستان­نىڭ جاعدايى ءماز ەمەس. ادام ءومىرىنىڭ ۇزاقتىعى بويىنشا ەلىمىز الەمدە 111-ورىندا. بۇعان ادامعا دەر كەزىندە شۇعىل كومەك بەرۋ، ەم­نىڭ كوپتەگەن ءتۇرىن جەرگىلىكتى جەرلەردە كورسەتۋ، تاعى باسقا فاكتورلار اسەر ەتەرى ءسوزسىز. ارينە، حا­لىقتىڭ دا ءومىر ءسۇرۋ سالتىنا وز­گەرىس ەنگىزۋ قاجەت. سالاماتتى ءومىر سالتى، تازا اۋا، دەنە شىنىق­تىرۋ، دۇرىس تاماقتانۋ – وتە وزەكتى.

مەملەكەت مەديتسينا سالاسى­نىڭ ينفراقۇرىلىمىن دامىتۋدى، وسى سالاعا ءمان بەرۋدى قولعا الدى. ەندەشە، ءبىز دە ءوز تاراپىمىزدان بارىنشا قولدان كەلگەندى ايامايتىن بولامىز.

 

ماحمۇد ەسەنگەلديەۆ،

دارىگەر

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

نە وقىپ ءجۇرسىز؟

تانىم • بۇگىن، 07:00

بەيساۋات جۇرىسكە شەكتەۋ قويىلدى

ايماقتار • بۇگىن، 06:49

قاۋىپتى ىندەت قايتا كوبەيدى

ايماقتار • بۇگىن، 06:45

جاڭا اۋرۋحانا مەن جاڭا كولىكتەر

ايماقتار • بۇگىن، 06:39

تولىق ادام تانىمى

اباي • بۇگىن، 06:37

ۇمىتكەرلەر انىقتالدى

اباي • بۇگىن، 06:36

ۇقساس جاڭالىقتار