پىكىر • 07 قىركۇيەك، 2020

ءوندىرىسسىز ورلەۋ جوق

8 رەت كورسەتىلدى

بۇكىل الەم ەلدەرىن تىعىرىققا تىرەپ وتىرعان داعدارىس جاعدايىندا حالىقتىڭ الەۋمەتتىك-ەكونوميكالىق ءومىرىن تۇراقتى ساقتاۋ ءۇشىن ناقتى قادامدار قاجەت.

پرەزيدەنت قاسىم-جومارت توقاەۆ ءوزىنىڭ جولداۋىندا وتاندىق ءوندى­رىس پەن ونەركاسىپ سالاسىن دامى­تۋعا تىڭ سەرپىن كەرەكتىگىن باسا ايت­تى. راسىندا دا، مەملەكەت ءوندىرىس­سىز ورگە باسا المايدى. وسىنى جاي عانا ءتۇسىنىپ قويماي، ناقتى قادامعا باراتىن كەز كەلدى. الدەقاشان دامۋ جولىنا تۇسكەن الپاۋىت ەلدەر بۇل تەتىكتى نەگىزگى نىسان رەتىندە العا ۇستايدى. مەملەكەت تەك قانا يمپورتقا تاۋەلدى بولعان سايىن سوعۇرلىم قۇلدىراي بەرەدى. بۇل ەكونوميكانىڭ بۇلجىمايتىن زاڭى.

يمپورتتىڭ ەكونوميكاعا ىقپال ەتۋى­نىڭ وڭ جانە تەرىس اسەرى بار. يم­پورت­­­­تىڭ ءوسۋى ەلدىڭ تولەم بالانسى­نىڭ اعىم­داعى شوتىنىڭ تاپشىلى­عىن تۋىن­داتادى، بۇل ءوز كەزەگىن­دە ۇلت­تىق ۆاليۋت­انىڭ باعامىنا قى­سىم جاسايدى.

اۋىل شارۋا­شىلىعى سەكتورى جۇ­يەلى جولعا قويىلسا، ازاماتتارى­مىز­دى تازا ءارى قاۋىپسىز تاعاممەن قامتي الامىز. بۇل ءبىر جاعى ەكونوميكا­نىڭ ىلگەرىلەۋىنە جول اشاتىن نەگىزگى باعدار. وسى رەتتە عىلىم مەن ەكونوميكا ءبىر-بىرىمەن تىكەلەي بايلانىس­تا بولسا عانا داميتىن ەگىز ۇعىم ەكەنىن ەستەن شىعارماۋعا ءتيىسپىز. عىلىمعا كوڭىل بولمەي – ەكونوميكا جوق. پرەزيدەنت جولداۋىندا بۇل ماسەلە دە ءتيىستى دارەجەدە ايتىلدى. ەندىگى كەزەكتە سونى دۇرىس ىسكە اسىرۋ ماسەلەسى تۇر. نارىقتا باسەكەسىز ءومىر ءسۇرۋ مۇمكىن ەمەس. ءاربىر وتاندىق ءونىم ءوندىرۋشى باسەكەلەستەر اراسىن­دا ۇزدىك بولۋعا تالپىنۋى كەرەك. ءوندىرىستىڭ قازىرگى قالىپتاسىپ وتىر­عان قۇرىلىمىنا بايلانىستى قازاق­ستان ەكسپورتىنىڭ ەداۋىر ۇلەسى شيكى­زاتقا، ءتۇستى مەتالدارعا، وتىنعا، استىق­قا جانە جارتىلاي فابريكاتتارعا ءتيىپ وتىر. تەك بۇلارعا سۇيەنۋگە بولمايدى. ءوزىن ازىق-ت ۇلىك ونىمدەرىمەن، باسقا دا ەڭ قاجەتتى تاۋارلارمەن تولىق قامتي العان مەملەكەت العا وزادى. ءبىز وسىعان جەتۋىمىز كەرەك

 

وراز بايمۇرات،

ۇعا اكادەميگى

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار