اتاپ ايتقاندا, شىمكەنت قالاسى ماڭىنداعى 48 شاقىرىمدىق وڭتۇستىك-باتىس, تۇركىستان قالاسى جانىنداعى 30 شاقىرىمدىق شىعىس, سونداي-اق, سارىاعاش قالاسى تۇسىنداعى 102 شاقىرىمدىق اينالما جول
"وڭتۇستىك وڭىرىندەگى ا-15 جولىنىڭ بويىندا 700 مىڭعا جۋىق حالىق تۇرادى. وبلىس اكىمى ومىرزاق شوكەەۆتىڭ تاپسىرماسىنا سايكەس, ورتالىق مەملەكەتتىك اتقارۋشى ورگان وكىلدەرىن ارنايى كوشپەلى كەڭەسكە شاقىردىق. ماقسات – تۇرعىندارعا ساپالى, قاۋىپسىز جولدى جەدەل ۋاقىتتا جوندەپ, پايدالانۋعا بەرۋ. جيىن قورىتىندىسى بويىنشا ءبىز ورتالىق اتقارۋشى ورگاندارمەن, "قازاۆتوجول" ۇلتتىق كومپانياسىمەن, مەردىگەرلەرمەن جول كارتاسىن ازىرلەدىك. كارتا نەگىزىندە ا-15 اۆتوجولىن جوندەۋ جۇمىستارى قازان ايىنىڭ سوڭىندا تولىق اياقتالادى. سارىاعاش-كەلەس جولىن كەڭەيتۋ جۇمىستارى الداعى جىلى باستالماق", - دەدى جول قۇرىلىسىنداعى جوبالارمەن كوشپەلى كەڭەس اياسىندا تانىسقان وبلىس اكىمىنىڭ ورىنباسارى مەيىرجان مىرزاليەۆ.
بۇدان وزگە, تۇركىستان وبلىسىنداعى م-32 "سامارا-شىمكەنت" تراسساسىنىڭ 11 شاقىرىمى, ا-15 "جيزاق-جەتىساي-جىبەك جولى" تراسساسىنىڭ 77 شاقىرىمىنا ورتاشا جوندەۋ جۇمىستارى جۇرەدى. وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆتىڭ ايتۋىنشا, قازىرگى تاڭدا وڭىردە 1500 شاقىرىمنان استام جول جوندەلۋدە. جىل سوڭىنا دەيىن 1200 شاقىرىمى پايدالانۋعا بەرىلەدى.
تۇركىستان وبلىسى
