مەملەكەت باسشىسى قاسىم-جومارت توقاەۆ قازاقستان حالقىنا ارناعان "جاڭا جاعدايداعى قازاقستان: ءىس-قيمىل كەزەڭى" اتتى جاڭا جولداۋىندا: "قازاق قوعامىندا جاڭا قاعيداتتار جانە جاڭا باعدارلار سالتانات قۇرۋعا ءتيىس. ۇلت ۇستازى احمەت بايتۇرسىن ۇلى: ء"بىلىمدى بولۋعا وقۋ كەرەك. باي بولۋعا كاسىپ كەرەك. كۇشتى بولۋعا بىرلىك كەرەك. وسى كەرەكتەردىڭ جولىندا جۇمىس ىستەۋ كەرەك» دەيدى. بۇل كوزقاراس بۇگىنگى كۇنى وتە ماڭىزدى" دەپ اتاپ وتكەن ەدى.
وسى ورايدا, جوعارىداعى پرەزيدەنت جولداۋىمەن ۇندەسىپ جاتقان شارانىڭ قۇتتىقتاۋ ءسوز ايتقان مادەنيەت جانە سپورت ۆيتسە-ءمينيسترى نۇرعيسا داۋەشوۆ ەكى جىلدان كەيىن تۋعانىنا 150 جىل تولعالى وتىرعان ۇلت ۇستازىنىڭ ەسىمىن ماڭگى ەستە قالدىرۋ ماقساتىندا الدا اتقارىلار جۇمىستارعا توقتالىپ, ونلاين وتىرىسقا قاتىسۋشىلاردى قۇتتىقتادى.
مادەني وقيعانىڭ مودەراتورى ءتىل ساياساتى كوميتەتى توراعاسىنىڭ ورىنباسارى ادىلبەك قابا, ورفوگرافيكالىق جۇمىس توبى بۇعان دەيىن ونشاقتى وتىرىس وتكىزگەنىن, بۇل ءوز كەزەگىندە ۇلكەن تالقىلاۋلارعا ۇلاسقانىن, ال ونوماستيكالىق كوميسسيانىڭ ءۇش وتىرىسىندا ەلىمىز بويىنشا 500اتاۋ وزگەرتىلگەنءىن, ياعني ساياساتتىڭ سالقىنى تيگەن كوپتەگەن كونە اتاۋلار قالپىنا كەلتىرىلىپ, قازاق تاريحى مەن مادەنيەتىنە قاتىستى تۇلعالاردىڭ ەسىمى بەرىلگەنى جايلى كوپشىلىكتى حاباردار ەتتى.
جيىن ۇستىندە "ۇلت ۇستازىنىڭ تاعىلىمى" تاقىرىبىندا بايانداما جاساعان ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ كەسەك ويدىڭ تيەگىن اعىتىپ: "تىلدەر مەرەكەسى قازاق ءتىل عىلىمىنىڭ اتاسى, ۇلت ۇستازى احمەت بايتۇرسىن ۇلىنىڭ تۋعان كۇنىنە تۇراقتادى. بۇل وتە ماڭىزدى. تاريح ارەناسىنا شىققان كەز كەلگەن حالىق ءوز تاۋەلسىزدىگى ءۇشىن كۇرەسەدى. قازاق تاريحى دا وسىنداي ازاتتىق ارپالىسىنا تۇنىپ تۇر. رەسەي يمپەرياسى مەن قازاق حالقىنىڭ كۇشى تەڭ ەمەس ەدى. جاراتقان يەمىز سول الماعايىپ كەزەڭدە حالقىمىزدىڭ كوز جاسىنا ۇلى ابايدى ومىرگە اكەلدى. ودان كەيىن حالقىنا قالقان, جاۋىنا سەمسەر بولار الاش ازاماتتارىنىڭ شوعىرى قازاق كوگىنە شىقتى. سولاردىڭ ىشىندە احمەت بايتۇرسىنوۆتى ەرەكشە اتايمىز" دەدى.
بۇدان كەيىن احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا, ا.بايتۇرسىن ۇلى مۋزەي-ءۇيىنىڭ ديرەكتورى رايحان يماحانبەت, تورعايداعى مۇراجايلار كەشەنىنىڭ باسشىسى گۇلبانۋ سارسەكەيت.ب.-لار عالىم تۋرالى ويلارىن ورتاعا سالىپ, ءوز ويلارىن ايتتى.
ۇل ۇستازىن ۇلىقتاۋ جيىنىنان تۇسىنگەنىمىزۇكىمەت جانىنداعى رەسپۋبليكالىق تەرمينولوگيالىق كوميسسياسىنىڭ بۇعان دەيىن ەكىوتىرىسى ءوتىپ, ءار قايسىسىندا 500 استام تەرمين ماقۇلدانىپتى. بۇل دەگەنىڭىز 1000 استام جاڭا تەرمين قولدانىسقا ەنىپ, ءتىلىمىز سونشالىقتى سوزبەن بايىدى دەگەن ءسوز.
سونىمەن قاتار باس قوسۋ بارىسىندا, قاجىرلى قايراتكەرلىگى مەن ەسەلى ەڭبەكتەرى ءۇشىن ۇكىمەتى جانىنداعى رەسپۋبليكالىق تەرمينولوگيالىق, ونوماستيكالىق كوميسسياسى مۇشەلەرى, قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى ورفوگرافيالىق, ادىستەمەلىك, تەرمينولوگيالىق, تەحنيكالىق سۇيەمەلدەۋ جونىندەگى جۇمىس توپتارىنىڭ مۇشەلەرى, وبلىستىق تىلدەردى وقىتۋ ورتالىقتارىنىڭ باسشىلارى مادەنيەت جانە سپورت ءمينيسترىنىڭ العىسحاتىنا, ءتىل ساياساتى كوميتەتى توراعاسىنىڭ قۇرمەت گراموتاسىنا يە بولدى.
