قوعام • 04 قىركۇيەك، 2020

"جاس عالىم" ۇعىمىن زاڭدى تۇردە بەكىتۋ ۇسىنىلدى

11 رەت كورسەتىلدى

بۇل تۋرالى "Jas Otan" جق 2025 جىلعا دەيىنگى "جاستار-وتانعا!" باعدارلاماسىن تالقىلاۋ ماقساتىندا وتكىزىلگەن بەينەكونفەرەنتسيادا ءمالىم بولدى، - دەپ حابارلايدى Egemen.kz.

سوڭعى ءبىر اي كولەمىندە باعدارلاما جاستار اراسىندا قىزۋ تالقىلانىپ جاتىر. وسى ۋاقىت ىشىندە ازاماتتىق ۇستانىم، ءبىلىم بەرۋ، جۇمىسقا ورنالاستىرۋ، تۇرعىن ۇيمەن قامتاماسىز ەتۋ جانە تۇلعالىق دامۋ  سىندى 5 نەگىزگى باعىت بويىنشا 4 مىڭنان استام ۇسىنىس كەلىپ ءتۇستى.

كەزدەسۋ بارىسىندا «Jas Otan» جق جەتەكشىسى ەلنۇر بەيسەنباەۆ باعدارلامادا كورسەتىلگەن پۋنكتتەردى ىسكە اسىرۋ ءۇشىن وڭىرلىك جانە اۋماقتىق جول كارتالارى ازىرلەنەتىنىن اتاپ ءوتتى:

"جاقىن ارادا تالقىلاۋ جانە ۇسىنىس قابىلداۋ ماقساتىندا بارلىق جول كارتالارى جاس وتاننىڭ سايتىندا (jasotan.kz) جاريالاناتىن بولادى. سول سەبەپتەن دە جاستار تاراپىنا ءبىز ءالى كوپتەگەن ۇسىنىستار كۇتەمىز"، - دەدى ۇيىم باسشىسى.

جاس كينورەجيسسەر، ستسەناريست، New York Film Academy تۇلەگى، "قازاقستاننىڭ 100 جاڭا ەسىمى" جوباسىنىڭ جەڭىمپازى ايديە ايداربەكوۆ الماتىدا جاس كينورەجيسسەرلەر ءۇشىن قالا كولەمىندە كوپتەگەن بايقاۋلار ۇيىمداستىرىلاتىنىن اتاپ ءوتتى.

"بىراق جۇمىستىڭ ساپالى بولۋى ءۇشىن رەسپۋبليكالىق كينوفەستيۆالدار وتكىزۋدى ۇسىنامىن. سول فەستيۆالداردا جاس رەجيسسەرلەر ءوز جۇمىستارىن ۇسىنىپ قانا قويماي، تاجىريبە جانە پىكىر الماسا الادى"، - دەدى جاس رەجيسسەر.

باعدارلاما جوباسىندا جاس عالىمدارعا قاتىستى دا ءبىر قاتار مىندەتتەر كورىنىس تاپقان. وسى ورايدا جاس عالىم، PhD، قازاقستاننىڭ جاس عالىمدار اليانسىنىڭ نەگىزىن قالاۋشى جانە توراعاسى ءاسيا ەرمۇحامبەتوۆا:

"مەنىڭ ويىمشا، سوڭعى ۋاقىتتا عىلىمي ازىرلەمەلەر مەن زەرتتەۋلەرگە ەمەس، ستارتاپ-جوبالارعا كوپ كوڭىل بولىنۋدە. جاس عالىمدارعا ارنالعان بايقايلار كوپتەپ ۇيىمداستىرىلۋى كەرەك دەپ ەسەپتەيمىن. سونىمەن قاتار قازاقستاندا "جاس عالىم" ۇعىمى ءالى كۇنگە دەيىن زاڭدى تۇردە بەكىتىلمەگەن، سايكەسىنشە عىلىم وكىلدەرىنە قانداي دا ءبىر جەڭىلدىكتەر مەن قولداۋ تەتىكتەرى قاراستىرىلماعان. سونىمەن قاتار، ءاربىر جوو قابىرعاسىندا ستۋدەنتتەردىڭ زەرتتەۋ داعدىلارىن دامىتۋ ماڭىزدى"، - دەدى.

قورىتىندى قۇجات – "جاستار-وتانعا!" باعدارلاماسى "Jas Otan" جاستار قاناتىنىڭ V سەزىندە قابىلدانادى. قازىرگى ۋاقىتتا جوبا رەسپۋبليكا بويىنشا تالقىلانۋدا.

سوڭعى جاڭالىقتار

اقتوبەدە اباي ەسكەرتكىشى اشىلدى

ايماقتار • بۇگىن، 23:00

نامىسىن تۋ ەتكەن

رۋحانيات • بۇگىن، 22:18

كوروناۆيرۋستان قالاي قورعانامىز؟

كوروناۆيرۋس • بۇگىن، 21:33

تاراز قالاسىندا نان قىمباتتاعان

ايماقتار • بۇگىن، 19:15

جوعالعان بالا 12 ساعاتتا تابىلدى

ايماقتار • بۇگىن، 14:38

ۇقساس جاڭالىقتار