ەلوردا • 04 قىركۇيەك، 2020

NUR ALEM پاۆيلونى 7 قىركۇيەكتە كەلۋشىلەرگە ەسىگىن اشادى

45 رەت كورسەتىلدى

7 قىركۇيەكتە ەلوردانىڭ ەڭ تانىمال كورىكتى جەرلەرىنىڭ ءبىرى - NUR ALEM سفەراسى كەلۋشىلەرگە ەسىگىن اشادى. مۇراجاي جۇمىس كۇندەرى ساعات 10.00-دەن 20.00-گە دەيىن ءۇزىلىسسىز جۇمىس ىستەيدى، دەپ حابارلايدى Egemen.kz.

ەلوردا تۇرعىندارى مەن قوناقتارى NUR ALEM-گە كەلگەندە كوروناۆيرۋس ينفەكتسياسىنىڭ تارالۋىن بولدىرماۋ ءۇشىن سانيتارلىق تالاپتاردى ۇستانۋ قاجەت. كەلۋشىلەر مەديتسينالىق ماسكا تاعىپ، الەۋمەتتىك قاشىقتىقتى ساقتاۋ كەرەك. مۇراجايعا كىرگەن كەزدە كەلۋشىلەردىڭ دەنە قىزۋى ارنايى قۇرىلعىمەن ولشەنەدى، سونىمەن قاتار وبەكتىدە انتيسەپتيكتەر مەن سانيتايزەرلەر ورناتىلعان.

مۇراجايعا كەلۋشىلەردى سفەرالىق ءپىشىندى بىرەگەي عيماراتتىڭ سەگىز قاباتى بويىنشا قىزىقتى ەكسكۋرسيالار كۇتەدى. ءبىرىنشى دەڭگەيدە "ۇلتتىق پاۆيلون" ورنالاسقان، وندا قازاقستاننىڭ لاندشافتتارى، مادەنيەتى، تاريحى، بۇگىنى مەن بولاشاعى كورسەتىلگەن.

2-7 قاباتتاردا كەلۋشىلەر عارىش، كۇن، جەل، سۋ، بيوماسسالار مەن كينەتيكالىق ەنەرگياعا ارنالعان ەكسپوزيتسيالارمەن تانىسا الادى. مۇندا بوگەتتىڭ كوركەمدىك قوندىرعىلارى، كينەتيكالىق ەنەرگياعا قاتىستى تاريحي ارتەفاكتىلەر ۇسىنىلعان.

جەل اللەياسىندا كەلۋشىلەر جەلدىڭ ءارتۇرلى جىلدامدىعىن سەزىنە الادى. ەڭ جوعارعى قاباتتا تۋريستەردىڭ نازارىنا قازاقستان استاناسىنىڭ بولاشاعىن كورسەتەتىن ەكسپوزيتسيا ۇسىنىلادى. قالانىڭ مۇسىندىك مودەلى تۇراقتى دامۋ مەن ەكولوگيالىق تيىمدىلىكتى سيپاتتايدى. سونداي-اق بارلىق قاباتتاردا روبوت-گيدتەر جۇمىس ىستەيدى.

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار