قازىرگى تاڭدا 8 جوبانىڭ دا قۇرىلىس جۇمىستارى باستالعان. ولاردىڭ قاتارىندا شاربۇلاق, قاقپاق, قىزىلقيا, قىزىلاتا اۋىلدارىنداعى جالپى ورتا مەكتەپتەرگە جۇرگىزىلگەن كۇردەلى جوندەۋ جۇمىستارى بار. بۇل ءبىلىم ۇيالارىنا سىرتقى جانە ىشكى ارلەۋ جۇمىستارى جۇرگىزىلىپ, اسفالت مەن گازون توسەلىپ, جارىقشامدار مەن بەينەباقىلاۋ كامەرالارى ورناتىلدى. جوندەۋ جۇمىستارى ناتيجەسىندە 3 مىڭعا جۋىق بالانىڭ كورىكتى جانە جىلى عيماراتتا ساپالى ءبىلىم الۋعا قولايلى مۇمكىندىكتەر جاسالىنادى. سونىمەن قاتار قازىعۇرت اۋىلىندا №2 بالالار جانە جاسوسپىرىمدەر سپورت مەكتەبى عيماراتى اعىمداعى جوندەۋدەن وتكىزىلدى. وندا دا عيماراتتىڭ ەسىك-تەرەزەلەرى جاڭالانىپ, پاندۋس ورناتىلعان. مۇندا 100-گە جۋىق بالا سپورتپەن شۇعىلدانۋعا جاعداي جاسالدى. ودان بولەك, قازىعۇرت اۋىلىندا ورتالىق ساياباق جانە دەندروساياباق اعىمداعى جوندەۋدەن ءوتتى.
ايتا كەتەيىك, مەردىگەرلەر ءتيىستى سانيتارلىق-ەپيدەميالىق تالاپتاردى ساقتاپ, قۇرىلىسشىلاردى جەكە قاۋىپسىزدىك قۇرالدارىمەن قامتاماسىز ەتكەن.
