باسىلىمنىڭ اقپاراتى بويىنشا, مەسسي كوماندادان كەتەمىن دەگەن رايىنان قايتۋى مۇمكىن. كاپيتاننىڭ كوماندادا قالۋىنىڭ باستى سەبەبى - كلۋبتىڭ پرەزيدەنتىنىڭ شەشىمى بولىپ تۇر. جوزەپ بارتاموۋ, ياعني كوماندا پرەزيدەنتى قازىر مەسسيدى ەشقايدا جىبەرمەيتىنىن مالىمدەدى. مۇنى ول مەسسيدىڭ اكەسى حورحە مەسسيمەن كەزدەسۋ بارىسىندا قاداپ تۇرىپ ايتقان.
سوندىقتان ەندى ول كەلىسىمشارتتى بۇزۋ ءۇشىن سوتقا بارۋى كەرەك. الايدا مەسسي مۇنداي قادامعا بارعىسى كەلمەي وتىر.
33 جاستاعى ارگەنتينالىق فۋتبولشى "بارسەلونادان" ابىرويمەن كەتكىسى كەلەدى. سول ءۇشىن دە ول كەلەسى ماۋسىمدا ويناپ, جانكۇيەرلەرمەن قوشتاسىپ كەتپەكشى. سونداي-اق ول نەيماردىڭ قاتەلىگىن قايتالاۋعا نيەتتى ەمەس. برازيليالىق فۋتبولشى 2017 جىلى "بارسەلونا" باسشىلارىمەن جانجالداسىپ كەتكەن بولاتىن.
بيىل مەسسي ەشقانداي سوتقا جۇگىنبەي كەلىسىمشارتتى بۇزعىسى كەلگەن ەدى. بىراق كوماندا باسشىلارى وعان مۇنداي مۇمكىندىك بەرمەدى.
مەسسي - "بارسەلونا" تالىمگەرى. ول كومانداعا 2000 جىلى قوسىلىپ, بۇكىل كارەراسىن وسى ۇجىمدا وتكىزگەن. بيىل شابۋىلشى 44 كەزدەسۋگە قاتىسىپ, 31 گول سوعىپ, 26 گولدىق پاس بەردى.
