ەلباسىمىز «قازاقستان-2050» ستراتەگيالىق باعدارلاماسىندا: – انا مەن بالانى قورعاۋ, ەلىمىزدە بالا تۋ سانىن ارتتىرۋ جانە انا مەن بالانى الەۋمەتتىك قولداۋدىڭ مىندەتتەرىن بەلگىلەپ بەردى. ءسوز جوق, بۇل ەل بولاشاعىنا دەگەن قامقورلىقتىڭ ءبىر شارتى بولىپ تابىلماق.
ەلباسىمىز «قازاقستان-2050» ستراتەگيالىق باعدارلاماسىندا: – انا مەن بالانى قورعاۋ, ەلىمىزدە بالا تۋ سانىن ارتتىرۋ جانە انا مەن بالانى الەۋمەتتىك قولداۋدىڭ مىندەتتەرىن بەلگىلەپ بەردى. ءسوز جوق, بۇل ەل بولاشاعىنا دەگەن قامقورلىقتىڭ ءبىر شارتى بولىپ تابىلماق.ءبىز وسى باعىتتاعى اۋدانداعى انا مەن بالا دەنساۋلىعى, سونىڭ ىشىندە ىڭگالاپ دۇنيەگە كەلىپ جاتقان سابيلەردىڭ جاعدايىن بىلمەك بولىپ, پەرزەنتحاناعا باس سۇقتىق. وكىنىشكە وراي, پەرزەنتحانا ءبولىمىنىڭ جەتەكشىسى ەڭبەك دەمالىسىندا ەكەن. بىراق, ەسەسىنە اۋداندا 40 جىلعا جۋىق ۋاقىتتان بەرى دۇنيەگە كەلگەن سابيلەردىڭ «كىندىك شەشەسى» اتانىپ جۇرگەن ابزال جاندى جولىقتىرعانىمىزدا ناعىز كەيىپكەرىمىزدى تاپقانىمىزدى بىلدىك.
باسقا ۇلت وكىلى بولسا دا, قازاق تىلىندە اعىپ تۇرعان ناديا اپايدى (نادەجدا) اۋداندىق پەرزەنتحانانىڭ جىلناماسى دەۋگە بولادى.
– وسى اۋداندىق پەرزەنتحانادا جۇمىس ىستەگەنىمە تۋرا 37 جىل 4 اي بولدى. اۋدانىمىزدا نەگىزىنەن قازاقتار تۇرادى. سوندىقتان قىرىق جىل ىشىندە مىڭداعان قاراكوزدەردىڭ كىندىك شەشەسى اتاندىم. سول كىندىگىن كەسكەن سابيلەر بۇگىندە اتا-انا اتانىپ وتىر. ەندى مەن كىندىك شەشە ەمەس, كىندىك اجە اتانا باستاعان جايىم بار. ارىدەگىنى ەسەپتەمەگەندە, 2000 جىلدان بەرى 664 ءسابيدىڭ دۇنيەگە كەلگەن قابىلداۋىن جاسادىم. سونىڭ 16-سىنىڭ كىندىگىن ءوزىم كەستىم. ەندى ول بالالار ماعان تارتادى عوي, – دەپ كۇلدى ناديا اپاي.
– ءبولىم مەڭگەرۋشىسى ەڭبەك دەمالىسىندا بولعاندىقتان, كەيبىر ستاتيستيكاعا جاۋاپ بەرەيىن. بيىلعى جەتى ايدا سەگىز اۋىلدىق وكرۋگتە 90 ءسابي دۇنيەگە كەلدى. سونىڭ 40-ى قازتالوۆ اۋىلىنىڭ ۇلەسىندە.
پەرزەنتحاناعا اياعى اۋىر انالاردى الدىن الا ەسەپكە الادى. ولارعا ءتۇرلى كەڭەستەر بەرىلىپ, دۇنيەگە كەلەر ءسابيدىڭ دەنساۋلىعىنىڭ قالىپتى بولۋى ءۇشىن ەمدەۋ جۇمىستارىن جۇرگىزەدى. سونداي-اق, تۇڭعىش پەرزەنتىن دۇنيەگە اكەلەتىن انالارعا كوبىرەك اقىل-كەڭەس بەرىلەدى.
مىنە بۇگىن د.ەردەنوۆا اتتى جاس انا ءوزىنىڭ تۇڭعىشىن دۇنيەگە اكەلدى. انا دا, ءسابي دە قالىپتى جاعدايدا.
سابيلەردىڭ جارىق ومىرگە كەلۋىنە اتسالىسىپ جۇرگەن گينەكولوگ دارىگەرلەر ي.نيازوۆا, ا.باەۆ جانە اكۋشەرلەر ع.جاسقاليەۆا, ع.بورەكەشوۆا, ر.حايداروۆالاردىڭ ەسىمدەرىن اتاۋعا بولادى.
– اتا-اناعا بالالارىنىڭ ومىرگە كەلگەن قۋانىشىن ەڭ العاشقى بولىپ جەتكىزەتىن بىزدەر. شارشاعانىمىزدى وسىنداي قۋانىشتان كەيىن ۇمىتىپ تا كەتەمىز, – دەپ اياقتادى اڭگىمەسىن ناديا اپاي.
وتكەن جىلى اۋداندىق گازەتكە مۇعاميلا دەگەن ارداگەر انا ناديا اپاي تۋرالى ماقالا جازدى. ول ماقالادا ناديا اپايدىڭ اتا-اناسى قايتىس بولعان جەتىم بالانىڭ وقۋ اقىسىن ءوز قاراجاتىمەن تولەپ وتىرعان ىزگىلىك ءىسىن كورسەتكەن ەدى.
قازىرگى كۇندە ادامداردىڭ بوتەن تۇگىل, تۋعانىنا قولۇشىن بەرمەيتىن كەزدە, ناديا اپايدىڭ يماندى ءىسى – ناعىز ادامشىلىق قاسيەتتىڭ بيىگى دەۋگە بولادى.
قازاق سابيلەردىڭ كىندىك اجەسى اتانعان, جوعارى ساناتتى اكۋشەر نادەجدا ستەپانوۆنا گەفنيدەر وسىنداي ابزال جان.
گۇلفيا كوشباەۆا.
باتىس قازاقستان وبلىسى,
قازتالوۆ اۋدانى.
