ەو كەڭەسىنە توراعالىق ەتەتىن گەرمانيا ۆيزاسىز شەنگەن ايماعىنداعى تۇتاستىقتى ساقتاپ, وتكەن جولعى قويىلىمنىڭ قايتالانۋىنا جول بەرگىسى جوق. سوندىقتان, ەو-عا مۇشە ەلدەردىڭ كەيبىرى وزدەرىنىڭ شەكارالارىن جابۋدى باستادى.
ماسەلەن, ۆەنگريا وسى سەيسەنبىدەن باستاپ, بارلىق شەتەل ازاماتتارىنا ەلگە كىرۋگە تىيىم سالسا, دانيا ءساۋىر ايىندا-اق باسقا ەلدىڭ تۋريستەرىنە شەكتەۋ قويدى. وسى قاتارعا فينليانديا, يسپانيا مەن فرانتسيانى كىرگىزۋگە بولادى.
بىرقاتار ەل ەو-دا مىندەتتى كارانتين رەجىمىنىڭ ەنگىزىلمەگەنىنە جانە تەستىلەۋگە قاتىستى ناقتىلىقتىڭ جوقتىعىنا نارازى. دەگەنمەن, ەۋرووداققا مۇشە ءاربىر ەل ءوزى شەشىم قابىلدايدى.
بۇل جاعدايدا گەرمانيا شەكارانى اشۋداعى تالپىنىسى – ساراپشىلاردىڭ قىزۋ تالقىسىندا ءجۇر.
"ەۋرووداققا مۇشە ەلدىڭ ازاماتتارى باسقا ەلدە تۇرۋعا قۇقىعى بار جانە سول جاعدايدى ەلمەيتىن مەملەكەتتەر دە بار. "شەنگەن شەكاراسى كودەكسىندە" ناقتى ەرەجەلەر بەكىتىلگەن. ايتىلعان زاڭدىلىقتاردىڭ قاراما-قايشىلىعىندا عانا ۇكىمەت ارنايى شەشىم شىعارا الادى", دەيدى ەۋروپالىق ساياساتتى زەرتتەۋ ورتالىعىنىڭ وكىلى سەردجيو كاررەرا.
