رۋحانيات • 03 قىركۇيەك، 2020

قىزىلوردا وبلىسىندا 6 ەسكەرتكىشكە ارحەولوگيالىق زەرتتەۋ جۇرگىزىلۋدە

210 رەت كورسەتىلدى

بيىل العاش رەت سىرداريا اۋدانىنداعى ورتاعاسىرلىق اساناس قالاشىعىنا ارحەولوگيالىق قازبا جۇمىستارى جۇرگىزىلۋدە. ارحەولوگتار قالاشىقتىڭ قاقپاسىن، قورعانىس قابىرعالارى مەن مۇنارالارىن، تۇرعىن ءۇي ورىندارىن اشۋدا. بۇل تۋرالى وڭىرلىك كوممۋنيكاتسيالار قىزمەتىنىڭ اقپارات الاڭىندا وتكەن بريفينگتە وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى ميرا ابۋوۆا مالىمدەدى، - دەپ حابارلايدى Egemen.kz.

"ايماقتاعى 6 ەسكەرتكىشكە ارحەولوگيالىق زەرتتەۋ جۇمىستارى جۇرگىزىلۋدە. بۇگىندە جانكەنت، سىعاناق، سورتوبە، قىشقالا قالاشىقتارىنداعى قازبا جۇمىستارى اياقتالسا، ال، ءبابىش مولا جانە اساناستا ءالى جالعاسۋدا. قازبا ماۋسىمىندا ارحەولوگيالىق جۇمىستاردىڭ زەرتتەۋ اۋقىمى كەڭەيىپ، ماڭىزدى نىسانداردى ساقتاۋمەن، كونسەرۆاتسيالاۋمەن ەرەكشەلەندى. سونداي-اق جانكەنت قالاشىعىندا كونسەرۆاتسيالانعان بولمەنىڭ كومپوزيتسياسى جاساقتالىپ، وعىز ءداۋىرىنىڭ تۇرمىس-سالت داستۇرىنەن حابار بەرەتىن، تاريحي مۇسىندەر قويىلىپ، زەرتتەۋشىلەر قالاشىق ىشىندەگى تۇرعىن ءۇيدىڭ ەجەلگى قالپىن قايتا جانداندىردى. ارحەولوگيالىق قازبا جۇمىستارى ناتيجەسىندە تابىلعان ولجالار وبلىس مۋزەيلەر قورىنا جيناقتالسا، عىلىمي-زەرتتەۋ ەسەپتەرى ارحيۆ قورلارىندا ساقتالادى،-دەدى ميرا ابۋوۆا.

سوڭعى جاڭالىقتار

ىزگىلىكتىڭ العاشقى قادامى

ايماقتار • بۇگىن، 00:11

ءۇش نىساننىڭ ىرگەتاسى قالاندى

ايماقتار • بۇگىن، 00:10

كەنيانىڭ كوز جاسى

ادەبيەت • كەشە

ارىستانمەن ارباسۋ

ونەر • كەشە

ۇقساس جاڭالىقتار