وتكەن سەنبى كۇنى ءوڭىر باسشىسى ب.ساپارباەۆتىڭ باستاماسىمەن وسكەمەندە تۇڭعىش رەت بالىق جارمەڭكەسى بولىپ ءوتتى. وندا تارباعاتاي, كۇرشىم, كوكپەكتى اۋداندارى مەن وسكەمەن قالاسىنىڭ بالىقشىلارى اكەلگەن ونداعان توننا كوكسەركە, سازان, الابۇعى, كارپ, شورتان سياقتى وزەندەر مەن كولدەردىڭ ءونىمى قالا تۇرعىندارىنا ساتىلدى. بالىقتىڭ باعاسى ساۋدا ورىندارى مەن بازارداعى باعاعا قاراعاندا 20-30 پايىز ارزان بولعاندىقتان بىرنەشە ساعاتتا ساتىلىپ كەتتى.
وتكەن سەنبى كۇنى ءوڭىر باسشىسى ب.ساپارباەۆتىڭ باستاماسىمەن وسكەمەندە تۇڭعىش رەت بالىق جارمەڭكەسى بولىپ ءوتتى. وندا تارباعاتاي, كۇرشىم, كوكپەكتى اۋداندارى مەن وسكەمەن قالاسىنىڭ بالىقشىلارى اكەلگەن ونداعان توننا كوكسەركە, سازان, الابۇعى, كارپ, شورتان سياقتى وزەندەر مەن كولدەردىڭ ءونىمى قالا تۇرعىندارىنا ساتىلدى. بالىقتىڭ باعاسى ساۋدا ورىندارى مەن بازارداعى باعاعا 
قاراعاندا 20-30 پايىز ارزان بولعاندىقتان بىرنەشە ساعاتتا ساتىلىپ كەتتى.ماسەلەن, سازان 350-400, كوكسەركە 300-350, شورتان 250 تەڭگەدەن بولدى. سونىمەن بىرگە, بالىقتىڭ يكراسىنا دەگەن سۇرانىس تا جوعارى بولدى.
بالىق جارمەڭكەسىنە ءوڭىر باسشىسى ب.ساپارباەۆ, رەسەيدىڭ التاي ولكەسىنىڭ گۋبەرناتورى ا.ب.كارلين باستاعان ىسكەر توپ وكىلدەرى قاتىسىپ, جاعىمدى جاڭالىقتى وزدەرىندە قولداناتىنىن ايتتى. ەكى ەل اراسىندا ساۋدا-ساتتىقتىڭ دامىپ كەلە جاتقانى بەلگىلى, قازاقستاننىڭ تاعى ءبىر بايلىعى بالىق ونىمدەرىن ساتىپ الۋدان ۇتپاساق, ۇتىلمايمىز, دەدى رەسەيلىك قوناقتار.
رەسپۋبليكا الاڭىنداعى بالىق جارمەڭكەسىندە التايدىڭ بالى, كوكونىس, باسقا دا ازىق-ت ۇلىك ساۋدالاندى. جىل باسىنان بەرى ءوڭىردىڭ بارلىق اۋداندارى مەن قالالارى ءوز ونىمدەرىن قالالىقتارعا ارزان باعامەن ساتىپ, تۇرعىنداردىڭ العىسىنا يە بولۋدا. الداعى ۋاقىتتا دا بالىق جارمەڭكەسى تۇراقتى ءوتىپ تۇرماق, دەيدى وبلىستىق اۋىل شارۋاشىلىق باسقارماسىنىڭ باستىعى دۇيسەمباي سەليحانوۆ. بارەكەلدى, دەيمىز.
وڭداسىن ەلۋباي,
«ەگەمەن قازاقستان».
وسكەمەن.
سۋرەتتە: وسكەمەندەگى بالىق جارمەڭكەسى.
سۋرەتتى تۇسىرگەن اۆتور.
