ايماقتار • 02 قىركۇيەك، 2020

ازاماتتارعا شاعىن نەسيە بەرۋ ارقىلى كاسىپكەرلەردى قولداۋىمىز كەرەك - گۇلشارا ابدىقالىقوۆا

20 رەت كورسەتىلدى

بۇگىن قىزىلوردا وبلىسى اكىمى گۇلشارا ابدىقالىقوۆانىڭ توراعالىعىمەن حالىقتى جۇمىسپەن قامتۋ جانە مىندەتتى الەۋمەتتىك مەديتسينالىق ساقتاندىرۋ ماسەلەلەرى بويىنشا ءماجىلىس ءوتتى، - دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

جيىندا ەكى ماسەلە قارالدى. وبلىس اكىمىنىڭ ورىنباسارى ناۋرىزباي بايقاداموۆ حالىقتى جۇمىسپەن قامتۋ باعىتىندا 8 ايدا اتقارىلعان جۇمىستاردىڭ قورىتىندىسىن بايانداپ، نەگىزگى كورسەتكىشتەردى اتاپ ءوتتى.

جىل باسىنان 8 اي ىشىندە «جۇمىسپەن قامتۋ» باعدارلاماسىنا قاتىسۋشى رەتىندە 23246 ادام بەلسەندى شارالارمەن قامتىلعان. تەحنيكالىق جانە كاسىپتىك دايارلاۋ جۇمىستارىنا 1515 ادام جولدانعان. قىسقا مەرزىمدى وقىتۋعا 1000 ادام جوسپارلانعان، ونىڭ 830-ى قامتىلىپ، جوسپار 83 پايىزعا ورىندالعان.

وبلىس اكىمى گۇلشارا ابدىقالىقوۆا مەملەكەتتىك باعدارلامالاردى ورىنداۋ ارقىلى مەجەلى ينديكاتورعا جەتۋ قاجەتتىگىن اتاپ ءوتىپ، قىسقا مەرزىمدى كۋرستى وقىعان ازاماتتاردىڭ 75 پايىزى تۇراقتى جۇمىسپەن قامتىلۋى ءتيىس دەدى.

وڭىردە جاپپاي كاسىپكەرلىك دامىتۋ باعىتىندا «باستاۋ بيزنەس» جوباسى بويىنشا 2150 ادام وقىتۋ كوزدەلسە، بۇگىنگى كۇنى 2113 ادام قامتىلعان. ال، كاسىپكەرلەردىڭ باستامالارىن قولداۋ ماقساتىندا 824 ادامعا شاعىن نەسيە بەرۋ جوسپارلانعان. ايماق باسشىسى اتالعان ەكى باعىتتى ورىنداۋدا بىرقاتار اۋدانداردىڭ جۇمىسىن جانداندىرۋ ءتيىس ەكەنىن ايتتى.

"ازاماتتارعا شاعىن نەسيە بەرۋ ارقىلى كاسىپكەرلەردى قولداۋىمىز كەرەك. 9 ايدىڭ قورىتىندىسىمەن قالا جانە اۋدانداردىڭ كورسەتكىشى 80 پايىزدان تومەن بولماۋى كەرەك. ال، جۇمىسپەن قامتۋدىڭ بەلسەندى شارالارىن اياقتاعاننان كەيىن ازاماتتاردىڭ تۇراقتى جۇمىسقا ورنالاستىرۋ دەڭگەيى 60 پايىزدان تومەن بولماۋى ءتيىس. قالا، اۋدان اكىمدەرى، ءتيىستى سالا باسشىلارى جۇمىس بەرۋشىلەرمەن تىعىز جۇمىس جاساڭىزدار"، - دەدى وبلىس اكىمى.

جيىندا بوس جۇمىس ورىندارىنا مامانداردى تارتۋ ماسەلەسى دە ايتىلدى. وبلىس اكىمى بوس جۇمىس ورىندارى زاڭعا سايكەس ەلەكتروندى ەڭبەك پورتالىندا كورسەتىلۋى ءتيىس، الايدا كوپ جاعدايدا ادامدار سىرتتاي جۇمىسقا قابىلدانىپ جاتقانىن، ماسەلەنى تەز ارادا رەتتەۋدى تاپسىردى. سونداي-اق، جاڭا جۇمىس ورىندارىن اشىپ، ينتەرگاتسيالىق كارتاعا ەنگەن جۇمىس ورىندارى بويىنشا جۇيەلى جۇمىس جۇرگىزۋدى قولعا الۋ قاجەت دەدى.

وتىرىستا قارالعان ەكىنشى ماسەلە – مىندەتتى الەۋمەتتىك مەديتسينالىق ساقتاندىرۋ ءىسىنىڭ ورىندالۋى.

مەديتسينالىق ۇيىمدارعا تىركەلگەن تۇرعىنداردىڭ مارتەبەسىن ايقىنداۋ جۇمىستارىنا قاتىستى «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى قىزىلوردا وبلىسى بويىنشا فيليالىنىڭ ديرەكتورى باحىت يسماحانبەتوۆ بايانداما جاسادى.

جيىندا وبلىس اكىمى حالىقتى بەلسەندى تۇردە مىندەتتى الەۋمەتتىك مەديتسينالىق ساقتاندىرۋ ىسىنە تارتىپ، شارتتاردى ءتۇسىندىرىپ، ءالى دە ساقتاندىرىلماعان ازاماتتاردى قامتۋ قاجەتتىگىن قاپەرگە سالدى. سونىمەن بىرگە شاعىن جانە ورتا بيزنەس سۋبەكتىلەرىن ساقتاندىرۋ ىسىنە وزەكتەندىرۋ قارقىندى ءجۇرۋى كەرەك دەدى.

بيىل وڭىردە «قۇپيا پاتسيەنت» باعدارلاماسى ەنگىزىلىپ، وبلىستاعى 21 ەمحانا مەن 7 ستاتسيوناردىڭ call-ورتالىقتارى مەن تىركەۋ بولىمدەرىنە قوڭىراۋلار جاسالعان. مۇنان بولەك، «Qoldau-24/7» ءموبيلدى قوسىمشاسى ازىرلەندى. قوىمشا ارقىلى تۇرعىندار ءمامس جۇيەسىنە بايلانىستى تولىق اقپارات الىپ، مەديتسيانىلىق مەكەمەنىڭ قىزمەتى ءۇشىن شاعىم قالدىرا الادى.

كۇن تارتىبىندەگى ماسەلەلەردى قاراي كەلە، وبلىس اكىمى وبلىستىق كاسىپكەرلىك جانە تۋريزم باسقارماسى، وڭىرلىك كاسىپكەرلىك پالاتاسى، وبلىستىق مەملەكەتتىك كىرىستەر دەپارتامەنتىمەن بىرلەسىپ، سالىقتىق تولەمنەن بوساتىلعان جالدامالى جۇمىسشىلاردىڭ مالىمەتتەرىن اقپاراتتىق جۇيەگە ەنگىزۋدى تاپسىردى. سونىمەن بىرگە وبلىستىق دەنساۋلىق ساقتاۋ باسقارماسى مەن «الەۋمەتتىك مەديتسينالىق ساقتاندىرۋ قورىمەن» بىرلەسىپ، مىندەتتى الەۋمەتتىك مەديتسينالىق ساقتاندىرۋ جۇيەسىندە ساقتاندىرىلماعان تۇرعىنداردىڭ مارتەبەسىن تولىق وزەكتەندىرۋدى مىندەتتەدى.

وبلىس اكىمى وتىرىس بارىسىندا ايتىلعان تاپسىرمالاردىڭ ورىندالۋىن ۇيلەستىرۋدى وبلىس اكىمىنىڭ ورىنباسارى ناۋرىزباي بايقاداموۆقا تاسپىرىپ، اتالعان ماسەلە جەلتوقسان ايىندا قايتا قارالاتىنىن نازارعا سالدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار