شاھار باسشىسىنىڭ توراعالىعىمەن وتكەن شاراعا باسقارما باسشىلارى, اۋدان, قالا اكىمدەرى, ءماسليحات دەپۋتاتتارى, ارداگەرلەر, زيالى قاۋىم جانە قوعامدىق ۇيىم مەن باق وكىلدەرى قاتىستى. جيىندى قالا اكىمى مۇرات ايتەنوۆ اشىپ, بۇل جولداۋدىڭ ەل دامۋىنا تىڭ قارقىن بەرەتىن جاڭا باعداردى ۇسىنىپ وتىرعانىنا توقتالدى.
مۇرات ايتەنوۆ جولداۋدا كورىنىس تاپقان بەس باعىتتى جانە بەلگىلەنگەن مىندەتتەردى ورىنداۋ ءۇشىن ناقتى شارالاردىڭ جۇزەگە اساتىنىن ايتتى.
- بىرىنشىدەن, مەملەكەتتىك باسقارۋ ىسىندە ۇلكەن وزگەرىستەر كۇتىپ تۇر. وڭىرلەر اراسىندا مەملەكەتتىك قىزمەتكەرلەردىڭ سانى ەڭ از قالا – شىمكەنت ەكەنىن ەسكەرە وتىرىپ, قىسقارۋدى قيىندىقسىز ۇيىمداستىرىپ, مەملەكەتتىك قىزمەتكەرلەردىڭ ەڭبەك ونىمدىلىگىن ارتتىرۋدى تاپسىرامىن. ەكىنشىدەن, پرەزيدەنت وڭدەۋ ونەركاسىبىنىڭ ءوسىمىن الداعى 5 جىلدا 1,5 ەسەگە ارتتىرۋ قاجەت ەكەنىن اتاپ ءوتتى. سوندىقتان, قالاداعى بوزارىق قوسالقى ستانتسياسىنىڭ قۇرىلىس جىل سوڭىنا دەيىن اياقتاۋ قاجەت. سەبەبى قۋات كوزدەرىنىڭ تاپشىلىعى بيزنەستىڭ دامۋىنا قول بايلاۋ بولىپ وتىر, - دەگەن اكىم بەس باسىم باعىتتى اتاپ كورسەتتى.
ودان سوڭ جارىسسوزگە شىققان قالالىق ءماسليحاتتىڭ دەپۋتاتى ءتورايىم سۇلتانوۆا جولداۋدا ايتىلعان نەگىزگى باسىمدىقتاردىڭ ءبىرى - كاسىپكەرلىكتى قولداۋ مەن مەديتسينا سالاسىنا قاتىستى توقتالدى.
سونداي-اق, مىنبەرگە شىققان قر قۇرمەتتى ءجۋرناليسى, ارداگەر بايدۋللا قونىسبەك ءتيىمدى مەملەكەتتىك باسقارۋ, اتقارۋشى ورگان جۇمىسىن اشىق, ءادىل جۇرگىزۋى بويىنشا ويىن ءبولىستى.
جيىن سوڭىندا مۇرات دۇيسەنبەك ۇلى «كۇش - بىرلىكتە» ەكەنىن اتاپ ءوتىپ, الداعى ۋاقىتتا پرەزيدەنتتىڭ تاپسىرماسىن ساپالى ءارى ناتيجەلى اتقارۋدا بىرلەسە ات سالىسۋعا شاقىردى.
