ءمينيستردىڭ ايتۋىنشا, كەلەسى "بەسجىلدىققا" اوك دامىتۋ بويىنشا ۇلتتىق جوبانى ازىرلەۋ ءۇشىن قر اشم جۇمىس توبىن قۇردى. ونىڭ قۇرامىنا سالالىق قاۋىمداستىقتار مەن فەرمەرلەرلىك وداقتاردىڭ باسشىلارى, اۋىل شارۋاشىلىعىن دامىتۋ سالاسىنداعى حالىقارالىق ساراپشىلار, "اتامەكەن" ۇكپ, بيزنەس جانە اگرارلىق عىلىم وكىلدەرى كىردى.
اوك دامىتۋدىڭ جاڭا باعدارلاماسىنىڭ تۇجىرىمداماسىندا ىشكى نارىقتى وتاندىق ازىق-ت ۇلىكپەن تولىقتىرۋ, اۋىل حالقىنىڭ تابىسى مەن ەڭبەك ونىمدىلىگىن 2,5 ەسە ارتتىرۋ, اوك ونىمدەرىنىڭ ەكسپورتىن 2 ەسە ۇلعايتۋ سياقتى ءبىرىنشى دارەجەلى مىندەتتەردى شەشۋ تەتىكتەرى قامتىلاتىن بولادى.
سونداي-اق, قارجىنىڭ, جەر رەسۋرستارىنىڭ قولجەتىمدىلىگىن ارتتىرۋ, اگرارلىق عىلىمدى دامىتۋ, سالانى تسيفرلاندىرۋ, ۆەتەريناريالىق جانە فيتوسانيتاريالىق قاۋىپسىزدىك ماسەلەلەرى پىسىقتالاتىن بولادى.
وڭدەۋشى كاسىپورىنداردىڭ قۋاتتىلىعىن ارتتىرۋ ءۇشىن زاكىرلىك كووپەراتسيانى دامىتۋ شارالار قولعا الىنادى. بۇل كووپەراتسيا ارقىلى جەكە قوسالقى شارۋاشىلىق پەن شاعىن فەرمەرلەردىڭ الەۋەتىن تاماق جانە جەڭىل ونەركاسىپتىك كاسىپورىنداردىڭ قاجەتتىلىكتەرىمەن بايلانىستىرۋعا مۇمكىندىك بەرەدى.
"كووپەراتسيانىڭ "كۇش – بىرلىكتە" دەگەن قاعيداتى ۇساق تاۋارلى ءوندىرىستىڭ باسەكەلەستىك الەۋەتىن ارتتىرۋعا مۇمكىندىك بەرەدى. وسىلايشا, ءىرى ينۆەستيتسيالىق جوبالاردىڭ اينالاسىندا اۋىل شارۋاشىلىعى شيكىزاتىن ءوندىرۋ جانە قايتا وڭدەۋ بويىنشا ەكوجۇيەلەر قۇرىلادى", دەدى ساپارحان وماروۆ.
