جارىس پروموۋتەرلەرىنىڭ ايتۋىنشا, 100 مىڭ بيلەت ساتىلىمعا شىعارىلادى. بيلەتتىڭ باستاپقى باعاسى – 3,4 ەۋرو.
ء"بىز بارىنە دايىنبىز. ەگەر كوروناۆيرۋستىق جاعداي ۋشىعىپ كەتسە, ءبىز جارىستى كورەرمەنسىز وتكىزە الامىز. ستەندتەر مەن اشىق الاڭداردىڭ جالپى سىيىمدىلىعى 220 مىڭ ادامدى قۇرايتىنىن بىلەمىز. قاۋىپسىزدىك تالاپتارىنا بايلانىستى كەيبىر سالالاردى جابۋ كەرەك بولسا, 100 مىڭ ادام ءالى دە جارىسقا قاتىسا الادى. بۇل جاعدايدا الەۋمەتتىك اراقاشىقتىق ەرەجەلەرىن ساقتاۋ مۇمكىن بولادى. ادەتتە, "فورمۋلا-1" ءوز ستاندارتتارى مەن باعا ساياساتىنا يە. بىراق ءبىز قارجىلىق پايدا تابۋعا تىرىسىپ وتىرعان جوقپىز. بىزگە ۇكىمەت دەمەۋشىلىك كورسەتەدى. بيلەتتەر باعاسى كۇنىنە 30 ليرادان تۇرادى (3,4 ەۋرو). بيلەتتەر كەلەسى اپتادا ساتىلا باستايدى. تەز ارادا ساتىلىپ كەتەدى دەپ كۇتەمىز", دەدى تۇرىك گران-ءپريىنىڭ ۇيىمداستىرۋ كوميتەتىنىڭ باسشىسى ۆۋرالا اكا Motorsport Week-كە بەرگەن سۇحباتىندا.
ەستەرىڭىزگە سالا كەتەيىك, وسى ماۋسىمدا وتكەن بارلىق "فورمۋلا-1" گران-ءپريى كورەرمەنسىز ءوتىپ, ماۋسىم 5 شىلدەدە اۆستريادا باستالدى. 2020 ماۋسىمدا بارلىعى 17 جارىس وتەدى دەپ كۇتىلۋدە, ونىڭ جەتەۋى ءوتتى. 27 قىركۇيەكتە وتەتىن رەسەي گران-ءپريى كورەرمەندەردىڭ قاتىسۋىمەن وتەدى.
