ءوسكەلەڭ ۇرپاقتىڭ ونە بويىنا ادالدىق, پاراساتتىلىق, ادىلدىك, سەنىم سىندى قۇندى قاسيەتتەردى دارىتۋ جانە رۋحاني بولمىسىن بەكىتە وتىرىپ, جاستار اراسىندا سىبايلاس جەمقورلىققا قارسى مادەنيەتتىڭ جارقىن ۇلگىسىن قالىپتاستىرۋماقساتىنداعى "ادالدىق ساعاتىنىڭ" بۇل كەزەكتى ءدارىسى ۇلى تۇران دالاسىنىڭ ءحىى عاسىرداعى دانا ويشىلى ق.ا.ياساۋي بابامىزدىڭ "ديۋاني حيكمەت" اتتى ەلەۋلى ەڭبەگىنە نەگىزدەلە وتىرىپ ۇسىنىلدى. "ادالدىق ساعاتىنىڭ" بەينە-ءدارىسىن ازىرلەگەن اگەنتتىكتىڭ تۇركىستان وبلىسى بويىنشا دەپارتامەنتى بۇگىندە وبلىسقا قاراستى 903 مەكتەپ پەن 68 كاسىپتىك-تەحنيكالىق ءبىلىم بەرۋ وشاقتارىندا جانە 2 جوعارى وقۋ ورنىندا سىبايلاس جەمقورلىققا مۇلدەم توزبەۋشىلىك مادەنيەتىن قالىپتاستىرۋ ماقساتىندا "ادال ۇرپاق", "سانالى ۇرپاق", "پاراساتتىلىق مەكتەپتەرى" سىندى بىرقاتار جوبالاردى جۇزەگە اسىرىپ كەلەدى.
بەينە-دارىستەر ارقىلى ەل اۋماعىندا ورنالاسقان بارلىق وقۋ ورىندارىنىڭ وقۋشىلارى مەن ستۋدەنتتەرى بۇكىل تۇركى جۇرتشىلىعىن ادالدىق پەن ادامگەرشىلىككە دارىپتەپ, ادىلەتتى تۇلعا بولۋعا ۇندەگەن كورنەكتى اقىننىڭ اسىل مۇراسىمەن ءجىتى تانىسىپ, جاڭا وقۋ جىلىنىڭ العاشقى كۇنىندە پاراساتتىلىق قۇندىلىعىنان ازىق الدى. سونداي-اق, قوس تىلدە ازىرلەنگەن بەينە-ساباق اقپارات جانە قوعامدىق دامۋ مينيسترلىگىنىڭ قولداۋىمەن رەسپۋبليكالىق جانە وڭىرلىك تەلەارنالار ەفيرىندە كورسەتىلىپ, اگەنتتىكتىڭ Youtube-ارناسىندا جانە الەۋمەتتىك جەلىلەردە ورنالاستىرىلدى.
تۇركىستان وبلىسى
