«قازاقستاننىڭ الدىندا تۇرعان اسا ماڭىزدى مىندەت – ونەركاسىپتىك الەۋەتىمىزدى تولىق پايدالانۋ. وسى سالاداعى تابىستارىمىزعا قاراماستان ىشكى نارىقتىڭ مول مۇمكىندىكتەرىن ءالى دە بولسا تولىققاندى جۇزەگە اسىرا الماي كەلەمىز. وڭدەلگەن تاۋارلاردىڭ ۇشتەن ەكىسىنە جۋىعى شەتەلدەن اكەلىنەدى. ۇلتتىق ەكونوميكانىڭ ستراتەگيالىق قۋاتىن ارتتىرۋ ءۇشىن تەز ارادا قايتا وڭدەۋ ءىسىنىڭ جاڭا سالالارىن دامىتۋ قاجەت. بۇل قارا جانە ءتۇستى مەتاللۋرگيا, مۇناي حيمياسى. كولىك قۇراستىرۋ جانە ماشينا جاساۋ, قۇرىلىس ماتەريالدارى مەن ازىق-ت ۇلىك ءوندىرۋ جانە باسقا دا سالالاردى قامتيدى.», دەدى پرەزيدەنت كەزەكتى جولداۋىندا.
ق.توقاەۆ ونەركاسىپكە قولداۋ كورسەتۋ ءۇشىن زاڭنامالىق نەگىزدەردى قايتا قاراپ, بىرىزدىلىككە كەلتىرۋ كەرەكتىگىن, سونداي-اق ناقتى شارالاردى دا جەتىلدىرۋ قاجەتتىگىن اتاپ ءوتتى.
«ساپالىق تۇرعىدان مۇلدە ۇلتتىق يندۋستريانى دامىتۋ ءۇشىن جاڭعىرتىلعان زاڭنامالىق نەگىز قاجەت. ونەركاسىپتى رەتتەۋ جانە وعان قولداۋ كورسەتۋ ماسەلەلەرى ءتۇرلى زاڭنامالىق اكتىلەردە كورىنىس تاپقان. بىراق ورتاق ماقسات كورسەتىلمەگەن. جۇزەگە اسىرىلاتىن ساياسات پەن شارالاردىڭ اراسىندا ءوزارا بايلانىس جوق. سونداي-اق جەكەلەگەن جەكەلەگەن سەكتورلاردى نەمەسە سالالاردى رەتتەيتىن كوپتەگەن زاڭ بار. مىسالى, «ەلەكتر ەنەرگەتيكاسى تۋرالى» زاڭ, «كولىك تۋرالى» زاڭ, وڭدەۋ ونەركاسىبىن دامىتۋدىڭ قاعيداتتارىن, ماقساتتارى مەن مىندەتتەرىن بەلگىلەيتىن ونەركاسىپ ساياساتى تۋرالى ءبىرىزدى زاڭ جىل سوڭىنا دەيىن ازىرلەنۋگە ءتيىس. ونەركاسىپكە قولداۋ كورسەتۋدىڭ ناقتى شارالارىن دا جەتىلدىرۋ كەرەك. بىزدە جۇيەلى جانە ءبىرتۇتاس ۇستانىم جوق. سونىڭ سالدارىنان سانسىز كوپ جوباعا قاراجاتتى ىسىراپ ەتىپ وتىرمىز», دەدى مەملەكەت باسشىسى.
