"ەكولوگيا ماسەلەسىن بۇقارالىق اقپارات قۇرالدارى كورسەتىپ جاتىر. الەۋمەتتىك جەلىلەردە ءبىزدىڭ بلوگەرلەر وسى ماسەلەلەردى ءجيى كوتەرەدى. سوندىقتان الداعى ۋاقىتتا ەكولوگيا ماسەلەلەرىنە دە باسىمدىق بەرۋىمىز كەرەك دەپ ويلايمىز", - دەدى سەنات سپيكەرى.
سونىمەن قاتار وڭىرلەردى, ونىڭ ىشىندە اۋىلداردى كوتەرۋ, اۋىلدىڭ ينفراقۇرىلىمىن دامىتۋ, حالىقتىڭ ءال-اۋقاتىن ارتتىرۋ ۇلكەن ماقساتتاردىڭ ءبىرى ەكەنى ايتىلدى. ماۋلەن اشىمباەۆ پاندەميا جاعدايىنداعى بيزنەس احۋالعا دا توقتالىپ ءوتتى.
"تاعى ءبىر ۇلكەن باعىتتاردىڭ ءبىرى – شاعىن جانە ورتا بيزنەستى قولداۋ ماسەلەسى. پاندەمياعا بايلانىستى وسى سالادا قىزمەت ەتىپ جۇرگەن كاسىپورىنداردىڭ جاعدايى كۇرت تومەندەپ كەتكەنى جاسىرىن ەمەس. سوعان بايلانىستى جۇيەلى كومەك كورسەتۋ ماسەلەسىن سەناتتا تالقىلاپ جاتىرمىز. ۇكىمەتپەن, ماجىلىستەگى ارىپتەستەرمەن اقىلداسىپ, وسى باعىتتا ناقتى شەشىمدەر قابىلداۋىمىز كەرەك دەپ ەسەپتەيمىز", - دەدى ماۋلەن اشىمباەۆ.
