ۇزاق ۋاقىتتان بەرگى شىعارماشىلىق تىنىشتىقتان سوڭ تەاتر ۇجىمى كورەرمەنگە جاڭا قويىلىم دايىنداۋدا. الايدا, ەندى جۇرت وپەراعا بۇرىنعىداي زالعا لىق تولىپ وتىرا المايدى. كارانتيندىك قاشىقتىقتى ساقتاۋ ماقساتىندا تەاتر قوناقتارى مەن قىزمەتكەرلەرىنە قويىلاتىن قاتاڭ تالاپ بار. ياعني, قىزمەتكەرلەر مەن كەلۋشىلەرگە ورىن 1 ادامعا 5 شارشى مەتردەن ەسەپتەلىپ, عيماراتتىڭ تولىمدىعى 50 پايىزدان اسپاۋى قاجەت. سونداي-اق الەۋمەتتىك اراقاشىقتىقتى بۇزباۋ ءۇشىن ۇجىمدىق دايىندىققا 30 ادامنان ارتىق قاتىسۋعا بولمايدى. ال سانيتارلىق ەپيدەميولوگيالىق تالاپتى ساقتاۋ ەكىباستان مىندەتتى.
بۇگىننەن باستاپ تەاتر قىزمەتكەرلەرى كەزەڭ-كەزەڭىمەن جۇمىسقا شىعاتىنىن ايتقان "استانا وپەرا" تەاترى ديرەكتورىنىڭ ورىنباسارى ايجان قۇرمانعاليەۆا: "سەگىزىنشى تەاتر ماۋسىمىنا دايىندىقتى قايتا جالعاستىردىق. تەاتر ىشىندە 1,5 مەترلىك اراقاشىقتىق ساقتالۋى ءتيىس. سانيتايزەرلەر قويىلادى. كورەرمەن ماسكا تاعىپ كەلۋى قاجەت. كىرگەن بويدا دەنە قىزۋى ولشەنەدى. دەنە قىزۋى جوعارى ادام انىقتالسا, بولەك ەسىك ارقىلى شىعادى. كورەرمەنگە قىزمەت كورسەتۋ دەپارتامەنتى سانيتارلىق تالاپتىڭ ساقتالۋىن قاداعالاپ تۇرادى", دەدى.
