بانگكوك قالاسىندا قازاقستان پرەزيدەنتى نۇرسۇلتان نازارباەۆتىڭ باستاماسى – «اتوم» جوباسىنىڭ تۇساۋكەسەرى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
تۇساۋكەسەردىڭ بۇۇ كۇنىمەن تۇسپا-تۇس كەلۋىنىڭ نىشاندىق ءمانى بار. ءويتكەنى, بۇگىندە بۇكىل الەم قازاقستاننىڭ يادرولىق قارۋسىزدانۋ سالاسىنداعى ايتارلىقتاي ۇلەسىن مويىنداپ ۇلگەردى. 2009 جىلى بۇۇ باس اسسامبلەياسى كونسەنسۋستىق نەگىزدە قازاقستان ۇسىنعان قاراردى قابىلداپ, 29 تامىزدى «يادرولىق سىناقتارعا قارسى حالىقارالىق ءىس-قيمىل كۇنى» دەپ بەلگىلەدى. 1991 جىلى ءدال سول كۇنى ەلىمىزدەگى سەمەي يادرولىق سىناق پوليگونى جابىلعان بولاتىن.
بانگكوك قالاسىندا قازاقستان پرەزيدەنتى نۇرسۇلتان نازارباەۆتىڭ باستاماسى – «اتوم» جوباسىنىڭ تۇساۋكەسەرى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
تۇساۋكەسەردىڭ بۇۇ كۇنىمەن تۇسپا-تۇس كەلۋىنىڭ نىشاندىق ءمانى بار. ءويتكەنى, بۇگىندە بۇكىل الەم قازاقستاننىڭ يادرولىق قارۋسىزدانۋ سالاسىنداعى ايتارلىقتاي ۇلەسىن مويىنداپ ۇلگەردى. 2009 جىلى بۇۇ باس اسسامبلەياسى كونسەنسۋستىق نەگىزدە قازاقستان ۇسىنعان قاراردى قابىلداپ, 29 تامىزدى «يادرولىق سىناقتارعا قارسى حالىقارالىق ءىس-قيمىل كۇنى» دەپ بەلگىلەدى. 1991 جىلى ءدال سول كۇنى ەلىمىزدەگى سەمەي يادرولىق سىناق پوليگونى جابىلعان بولاتىن.
شارانى قازاقستان رەسپۋبليكاسىنىڭ تايلاند كورولدىگىندەگى ەلشىلىگى ۇيىمداستىردى. ونىڭ بارىسىندا «ستالينگە سىيلىق» دەپ اتالاتىن تاقىرىپتىق ءفيلمنىڭ كورسەتىلىمى بولدى.
تۇساۋكەسەرگە تايلاند مينيسترلىكتەرى مەن ۆەدومستۆولارىنىڭ باسشىلىعى, پارلامەنت, بۇۇ-نىڭ ازيا جانە تىنىق مۇحيت ءۇشىن ەكونوميكالىق جانە الەۋمەتتىك كوميسسياسىنىڭ وكىلدەرى, تايلاند كومپانيالارىنىڭ, ۇكىمەتتىك ەمەس ۇيىمدارىنىڭ باسشىلارى, قوعامدىق-ساياسي قايراتكەرلەرى, ديپلوماتيالىق كورپۋس جانە جەتەكشى تايلاند باق-تارىنىڭ جۋرناليستەرى قاتىستى.
شارادا قازاقستاننىڭ تايلاندتاعى ەلشىسى مارات ەسەنباەۆ قۇتتىقتاۋ ءسوز ءسويلەدى. ول قاتىسۋشىلارعا قازاقستاننىڭ يادرولىق قارۋسىزدانۋ سالاسىنا قوسىپ وتىرعان ۇلەسى مەن «اتوم» جوباسى تۋرالى اڭگىمەلەپ بەردى. قازاقستاندىق ديپلومات مەيمانداردى ەلىمىزدىڭ حالىقارالىق قوعامداستىقپەن بىرلەسىپ, بۇرىنعى سەمەي يادرولىق سىناق پوليگونىنىڭ زارداپتارىن جويۋ بويىنشا كۇش-جىگەرىنەن حاباردار ەتتى. سونىمەن قاتار, يادروسىز الەم قۇرۋداعى «اتوم» جوباسىنىڭ ماڭىزىن اتاپ كورسەتتى.
شارا قاتىسۋشىلاردىڭ ەشقايسىسىن بەيجاي قالدىرعان جوق. ولاردىڭ بارلىعى قازاقستان باسشىلىعىنىڭ وسى باعىتتاعى باستامالارىنا قولداۋ سوزدەرىن ءبىلدىردى.
