چەحيادا 1 قىركۇيەكتەن باستاپ تۇرعىندارعا مەديتسينالىق ماسكا تاعۋ مىندەتتەلدى. بۇل تالاپ اسىرەسە, قوعامدىق كولىكتەر مەن قوعامدىق ورىنداردا قاتاڭ قاداعالانادى. بيلىك باسىنداعىلار قاۋىپسىزدىككە قاتىستى قوسىمشا شارالاردى ازىرلەۋگە كىرىستى.
بۇعان دەيىن ەۋروپا ەلدەرىنىڭ ىشىندە ءدال وسى چەحيا ەڭ العاش بولىپ كوروناۆيرۋستى تولىق جەڭگەنىن مالىمدەگەن ەدى. ساياحاتشىلارعا شەكارانى اشىپ, بۇقارالىق فەستيۆالدار ۇيىمداستىرا باستاعان بولاتىن. الايدا اراعا ءبىر ايداي ۋاقىت سالىپ جاعداي قايتا ۋشىعا ءتۇستى. ۆيرۋس جۇقتىرعاندار قاتارى كۇن ساناپ ارتىپ, قازىر ۆيرۋس جۇقتىرعانداردىڭ جالپى سانى 20 مىڭنان استى. ياعني تاۋلىگىنە ورتاشا ەسەپپەن 150 ادام اۋرۋحانا جاتقىزىلۋدا. ال ماۋسىم ايىندا بۇل كورسەتكىش 90 ادامنان اسپاعان ەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
