قازاقستان رەسپۋبليكاسى كونستيتۋتسياسىنىڭ 25 جىلدىعىنا وراي قازاقستاننىڭ كاناداداعى ەلشىلىگىنىڭ قىزمەتكەرلەرى ۆەلوجارىس ۇيىمداستىردى. ۆەلوجارىس سيمۆولدىق 25 شاقىرىمدى قۇراپ, وتتاۆا ورتالىعى مەن گاتينو اۋدانىنىڭ كورىكتى جەرلەرىنەن ءوتتى.
قازاقستان رەسپۋبليكاسىنىڭ كونستيتۋتسياسى (1995 جىلعى 30 تامىزدا رەسپۋبليكالىق رەفەرەندۋمدا قابىلدانعان) امبەباپ قاعيداتتارعا نەگىزدەلەدى جانە ادامدى, ونىڭ ءومىرىن, قۇقىقتارى مەن بوستاندىقتارىن جوعارى قۇندىلىقپەن ايقىندايدى. ازاماتتاردىڭ دەنساۋلىعى مەن الەۋمەتتىك جاۋاپكەرشىلىك قازاقستان مەن كانادا ۇكىمەتتەرى ءۇشىن باسىم ماقساتتار بولىپ تابىلادى.
قازاقستان ەلشىسى اقىلبەك كامالدينوۆ اتاپ وتكەندەي, "ەلشىلىك ۇيىمداستىرعان ۆەلوجارىس – قازاقستاندىقتارعا العىس ءبىلدىرۋدىڭ تاماشا ءتاسىلى. قازاقستان مەن كانادانىڭ كوپتەگەن ۇقساستىقتارى بار – بۇل ۇقساس تابيعي-كليماتتىق جاعدايلار, ەكى ەلدىڭ دە اۋماعى ۇلكەن جانە حالىقتىڭ سانى ايتارلىقتاي كوب ەمەس, تابيعي رەسۋرستارعا باي. ءبىزدىڭ ەلدەرىمىز ەكىجاقتى فورماتتا دا, حالىقارالىق ارەنادا دا ءوزارا ءتيىمدى ىنتىماقتاسادى. سىرتقى ساياساتتا قازاقستان, كانادا ءتارىزدى, حالىقارالىق بەيبىتشىلىك پەن قاۋىپسىزدىكتى نىعايتۋعا ەلەۋلى ۇلەس قوسۋدا. ءبىز سونداي-اق بۇۇ, ەقىۇ جۇيەسى شەڭبەرىندە جانە باسقا دا كوپجاقتى الاڭداردا كانادالىق ارىپتەستەرمەن بەلسەندى ءوزارا ءىس-قيمىل جاسايمىز".
"كانادامەن ەكىجاقتى قارىم-قاتىناستى دامىتۋدا ءبىز ورتاق ماقساتتار مەن الەۋەتتى مۇمكىندىكتەرگە سۇيەنە وتىرىپ, ءوزارا ءىس-قيمىل جاساۋعا تىرىسامىز. وسىنداي مۇمكىندىكتەردىڭ ءبىرى – سپورت", دەپ اتاپ ءوتتى ا.كامالدينوۆ.
