"2-جەو-نى گازعا كوشىرۋ بويىنشا جۇرگىزىلىپ جاتقان جۇمىستاردىڭ بارىسىمەن تانىستىم. گاز قۇبىرى سالىندى, جەلدەتۋ جابدىقتارىن, گاز قورعاۋ جۇيەلەرىن جانە قازاندىقتارعا مونتاجداۋ جانارعىلارىن ورناتۋ جۇمىستارى جۇرگىزىلىپ جاتىر. بيىل جەو-1 جانە جەو-2 گازعا كوشىرۋدى جوسپارلاپ وتىرمىز.
بۇدان باسقا, ەلدى مەكەندەردە كۆارتالىشىلىك گازبەن جابدىقتاۋ جەلىلەرىن سالۋ بويىنشا جۇمىستار جالعاسىپ جاتىر.
مىسالى, جەلەزنودوروجنىي ەلدى مەكەنىندە گاز تاراتۋ جەلىلەرىنىڭ 100%, پرومىشلەننىي مەن كوكتال-2 95%, كوكتال-1-ءدىڭ 80%-ى سالىندى. بۇل جۇمىستار اگروگورودوك, يۋگو-ۆوستوك ەلدى مەكەندەرىندە دە جۇرگىزىلىپ جاتىر. بۇل ەلدى-مەكەندەردەگى ۇيلەردىڭ ءبىر بولىگى بيىلعى جىلىتۋ ماۋسىمىندا گازبەن جىلىتىلۋى مۇمكىن. قالانى گازداندىرۋ پروتسەسى ءۇش كەزەڭنەن تۇرادى.
ۇيلەردى گازبەن جابدىقتاۋ جەلىلەرىنە قوسۋ ءۇشىن تەحنيكالىق شارتتاردى تەگىن بەرۋ ءۇشىن ءۇش فرونت-وفيس اشىلدى. بۇل كوكتال-1, جەلەزنودوروجنىي, پرومىشلەننىي تۇرعىندارىنا ارنالعان. جەكە سەكتور تۇرعىندارى ءۇشىن تەگىن ەسەپتەگىشتەر قاراستىرىلعان.
ەلوردانى گازداندىرۋ – ەلباسىنىڭ تاريحي جوباسى. گازداندىرۋ پروتسەسى مەملەكەت باسشىسىنىڭ باقىلاۋىندا", دەپ جازدى التاي كولگىنوۆ.
