قوعام ومىرىندەگى ەلەۋلى وزگەرىستەرگە ۇكىمەتتىك ەمەس ۇيىمدار قالاي ۇلەس قوسىپ وتىر؟ بۇل ماسەلە وبلىستىق اكىمدىكتىڭ قولداۋىمەن وتكەن VI ازاماتتىق فورۋمنىڭ بارىسىندا كەڭىنەن تالقىعا ءتۇستى.
– مەملەكەتىمىزدىڭ ساياسي جۇيەسىن قالىپتاستىرۋدا ازاماتتىق قوعام ينستيتۋتتارىنىڭ الاتىن ورنى ەرەكشە, – دەدى وبلىس اكىمىنىڭ ورىنباسارى شىڭعىس مۇقان فورۋم بارىسىندا.
قوعام ومىرىندەگى ەلەۋلى وزگەرىستەرگە ۇكىمەتتىك ەمەس ۇيىمدار قالاي ۇلەس قوسىپ وتىر؟ بۇل ماسەلە وبلىستىق اكىمدىكتىڭ قولداۋىمەن وتكەن VI ازاماتتىق فورۋمنىڭ بارىسىندا كەڭىنەن تالقىعا ءتۇستى.
– مەملەكەتىمىزدىڭ ساياسي جۇيەسىن قالىپتاستىرۋدا ازاماتتىق قوعام ينستيتۋتتارىنىڭ الاتىن ورنى ەرەكشە, – دەدى وبلىس اكىمىنىڭ ورىنباسارى شىڭعىس مۇقان فورۋم بارىسىندا.– قازىرگى تاڭدا وبلىستا 329 قوعامدىق بىرلەستىك تىركەلگەن. ولار حالىقتىڭ قوعامدىق-الەۋمەتتىك جاعدايىن جاقسارتۋ, ءدىني احۋالدى تۇراقتاندىرۋ, ۇلتارالىق تاتۋلىقتى ساقتاۋ سەكىلدى ماڭىزدى ماسەلەلەردىڭ ءتۇيىنىن تارقاتۋعا بەلسەندى تۇردە قاتىسۋدا. مەملەكەتتىك ورگاندار مەن قوعامدىق ۇيىمداردىڭ ەڭبەك قاتىناستارى مەن الەۋمەتتىك ماسەلەلەر, ءدىني احۋال توڭىرەگىندەگى كوزقاراسى ءبىر ارناعا توعىسىپ, ءوزارا تۇسىنىستىك ورنادى.
ارينە, قاي قوعامدا دا تۇيتكىلدى ماسەلەلەر بولماي تۇرمايدى. دەگەنمەن, كۇندەلىكتى تىرلىكتە كەزدەسىپ جاتاتىن سان الۋان پروبلەمالاردى شەشۋگە جەرگىلىكتى بيلىكپەن بىرگە, ۇكىمەتتىك ەمەس ۇيىمدار دا ءوز ۇلەسىن قوسا السا عانا وڭ ناتيجەگە يەك ارتىلادى. مەملەكەت ولاردىڭ جۇمىسىن جانداندىرۋىنا قارجىلىق تۇرعىدان قولداۋ كورسەتىپ وتىر. ماسەلەن, بيىلعى جىلى اتىراۋ وبلىسىندا وسىنداي ۇيىمدارعا بولىنەتىن قارجى ءۇش ەسەگە ارتىپتى. الايدا, ش.مۇقاننىڭ ايتۋىنشا, سوڭعى كەزدە ۇكىمەتتىك ەمەس ۇيىمدار باسشىلارىنىڭ ورتاق مۇددە جولىندا جۇمىس جۇرگىزۋدەن گورى, الدىمەن وزدەرىنىڭ ماسەلەلەرىن شەشۋگە بەيىم تۇراتىنى بايقالىپ قالادى.
شىندىعىن ايتۋ كەرەك, كوبىنەسە ۇكىمەتتىك ەمەس ۇيىمدارمەن وبلىستىق ىشكى ساياسات باسقارماسى عانا بايلانىس ورناتقانى داۋسىز. ال وزگە باسقارمالار ۇكىمەتتىك ەمەس ۇيىمدارمەن جۇمىس جۇرگىزۋگە ۇمتىلىس تانىتا بەرمەيدى. وسى ورايدا ىشكى ساياسات باسقارماسىنىڭ باسشىسى ءاسيا قىستاۋباەۆا وڭىردەگى وزگە دە باسقارمالار تاراپىنان سالالىق ۇكىمەتتىك ەمەس ۇيىمدارمەن بايلانىس ورناتىپ, جۇمىستى شيراتۋ قاجەت, دەپ ەسەپتەيدى. سونىمەن بىرگە, اۋداندارداعى ۇكىمەتتىك ەمەس ۇيىمدارمەن بايلانىس جونىندەگى كەڭەستەردىڭ جۇمىسىندا جاڭاشىلدىق تانىتىلىپ, جەرگىلىكتى اكىمدىكتەر تاراپىنان اۋىلدارداعى وسىنداي قۇرىلىمداردىڭ ويداعىداي جۇمىس جۇرگىزۋىنە قولداۋ كورسەتكەندە عانا وسى سالاداعى بايلانىس بۇگىنگىدەن دە جاندانا تۇسەدى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
