قازاقستان • 29 تامىز، 2020

نەمىستىڭ CLAAS كومپانياسى قازاقستاندا زاۋىت اشادى

77 رەت كورسەتىلدى

بۇگىن قر يندۋستريا جانە ينفراقۇرىلىمدىق دامۋ مينيسترلىگى الەمدەگى اۋىلشارۋاشىلىعى تەحنيكاسىن ءىرى وندىرۋشىلەردىڭ ءبىرى CLAAS نەمىس كومپانياسىمەن  ونەركاسىپتىك قۇراستىرۋ تۋرالى كەلىسىمگە قول قويدى، دەپ حابارلادى مينيسترلىكتىڭ ءباسپاسوز قىزمەتى.

قازاقستان مەن گەرمانيانىڭ ونەركاسىپتىك كووپەراتسياسى مەملەكەت باسشىسى CLAAS Group كومپانياسىنىڭ باقىلاۋ كەڭەسىنىڭ توراعاسى ك.كلااس-ميۋلحويزەرمەن 2019 جىلعى جەلتوقساندا مەملەكەت باسشىسىنىڭ گفر-عا ساپارىنىڭ اياسىندا جۇمىس كەزدەسۋى بارىسىندا باستاماشىلىق ەتتى. ساپاردىڭ قورىتىندىسى بويىنشا گەرماندىق بيزنەسپەن جۇمىس ىستەۋ ءۇشىن قر پرەمەر-ءمينيسترىنىڭ ورىنباسارى رومان سكلياردىڭ باسشىلىعىمەن ارنايى جۇمىس توبى قۇرىلدى. قر اۋماعىندا اۋىل شارۋاشىلىعى ماشينالارىن ءوندىرۋدى ۇيىمداستىرۋ جونىندەگى جوبانى پىسىقتاۋدى قر ءسىم ينۆەستيتسيالار جونىندەگى كوميتەتى، گفر-داعى قر ەلشىلىگى، "Kazakh Invest" ۇك" اق جانە قر اۋىل شارۋاشىلىعى مينيسترلىگى جۇرگىزدى. 

CLAAS – الەمدىك اۋىلشارۋاشىلىق تەحنيكاسىنىڭ فلاگمانى جانە ەۋروپالىق اۋىلشارۋاشىلىق تەحنيكاسىنىڭ ەڭ ءىرى ءوندىرۋشىسى بولىپ تابىلادى. ايگىلى نەمىس كومپانياسىنىڭ قازاقستانعا كىرۋى بۇرىننان قول جەتىمدى جوعارى ءونىمدى تەحنيكاعا مۇقتاج بولعان بارلىق وتاندىق اگرارلىق قىزمەتكەرلەر ءۇشىن ماڭىزدى وقيعا بولىپ تابىلادى.

پاندەميانىڭ قازىرگى جاعدايىن ەسكەرە وتىرىپ، كەلىسىمگە قول قويۋ بەينەبايلانىس ارقىلى جۇزەگە اسىرىلدى. مينيسترلىكتىڭ اتىنان قۇجاتقا ۆيتسە-مينيستر امانياز ەرجانوۆ، گەرمانيا تاراپىنان شىعىس ەۋروپا جانە تمد ەلدەرى بويىنشا وڭىرلىك ديرەكتور در. نيلس رويچ بۇرىشتاما قويدى.

CLAAS زاۋىتى سولتۇستىك قازاقستان وبلىسىندا ورنالاسادى. مامانداندىرىلعان جابدىقتى ورناتۋ مەن تەحنيكالىق قىزمەتكەرلەردى دايىنداۋدى قوسا العاندا، ءبىرىنشى كەزەڭدە TUCANO كومباينىنىڭ ءوندىرىسى جولعا قويىلادى.

جوبا قازاقستانداعى CLAAS رەسمي وكىلى "ست-اگرو" كومپانياسىمەن بىرلەسىپ ىسكە اسىرىلادى. وبلىس ەكونوميكاسىنا سالىنعان ينۆەستيتسيانىڭ كولەمى شامامەن 3،4 ملرد. تەڭگەنى قۇرايدى، قارجىلاندىرۋ كوزى CLAAS كومپانياسىنىڭ مەنشىكتى قاراجاتى بولىپ تابىلادى. باستاپقى كەزەڭدە 200-گە جۋىق جاڭا جۇمىس ورنى قۇرىلادى.

ء"بىز، CLAAS كومپانياسىنىڭ اتىنان قازاقستان ۇكىمەتىنە، گەرمانياداعى ەلدىڭ ەلشىلىگىنە اۋىل شارۋاشىلىعى ماشينالارىن جاساۋ سالاسىنداعى جوسپارلانعان ەكى جاقتى جوبانى ىسكە اسىرۋعا ديپلوماتيالىق قولداۋ كورسەتكەنى ءۇشىن ءوز ريزاشىلىعىمىزدى بىلدىرەمىز. ءبىز قازاقستان رەسپۋبليكاسىندا ۇلكەن الەۋەتتى كورىپ وتىرمىز، سوندىقتان ۇزاق مەرزىمدى، تابىستى جانە ءوزارا ءتيىمدى ىنتىماقتاستىق قۇرۋدى جوسپارلاپ وتىرمىز"، دەپ اتاپ ءوتتى در. نيلس رويچ.

كەلىسىمنىڭ اياسىندا كومپانيا كومپونەنتتەردى وقشاۋلاۋدى كەزەڭ-كەزەڭمەن ۇلعايتادى، سونداي-اق ءوندىرىستى ودان ءارى دامىتۋ ءۇشىن كادرلاردى تەحنيكالىق دايارلاۋمەن اينالىسادى.

جوبالىق قۋاتتىلىققا شىققان كەزدە كاسىپورىن جىلىنا 200 بىرلىككە دەيىن اۋىل شارۋاشىلىعى تەحنيكاسىن (كومبايندار، تراكتورلار جانە ەگىس كەشەندەرى) شىعاراتىن بولادى، بۇل قر ماشينا-تراكتور پاركىن جاڭارتۋ بويىنشا جاعدايدى ساپالى تۇردە جاقسارتادى.

CLAAS-تىڭ قازاقستان اۋماعىندا PÖTTINGER، LOVOL، BUHLER، "روستسەلماش"، "پەتەربۋرگ تراكتور زاۋىتى"، "متز"، "گومسەلماش" جانە باسقالارى سياقتى ءوندىرىستى الەمگە ايگىلى اۋىل شارۋاشىلىعى تەحنيكالارىن وندىرۋشىلەردىڭ تىزىمىنە ەنۋى فەرمەرلەردىڭ بارلىق قاجەتتىلىكتەرىن جابا وتىرىپ، يمپورتتى الماستىرۋ جونىندەگى ەلدىڭ باعدارلاماسىنا تولىق سايكەس كەلەدى.

ايتا كەتەتىن جايت، بۇل جۇمىس قازاقستاننىڭ اوك دامىتۋ بولىگىندە مەملەكەتتىڭ تەكسەرىلگەن يندۋستريالىق ساياساتىنىڭ ەسەبىنەن جۇرگىزىلدى.

سوڭعى جاڭالىقتار

ۇقساس جاڭالىقتار