پوليتسيا قىزمەتكەرلەرى ىزدەستىرۋ شارالارىنا شۇعىل كىرىسىپ كەتەدى. جان-جاقتان حابار الىنىپ, سۇراۋلار دا جۇرگىزىلەدى. اقىرى جىلقىلار كورشىلەس تەپليچنوە سەلوسىنىڭ ماڭىنداعى ورماننان تابىلعان. بىرەۋلەر ولاردى كۇندىز ورمانعا توعىتىپ, تۇندە ۇستاپ, سويۋدى كوزدەسە كەرەك. ويتكەنى جىلقىلار وزدىگىنەن ورمانعا كىرمەيدى.
ءسويتىپ جىلقىلار تولىق سانىندا يەسىنە قايتارىلدى. الايدا جىلقىلارىنىڭ قاراۋسىز جايىلىپ جۇرگەنى ءۇشىن ول جاۋاپقا تارتىلىپ, اكىمشىلىك قۇقىق بۇزۋشىلىق تۋرالى كودەكسىنىڭ "اۋىل شارۋاشىلىعى جانۋارلارىن جايۋ قاعيدالارىن, يتتەر مەن مىسىقتاردى اسىراۋ جانە سەرۋەندەتۋ قاعيدالارىن, قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن بۇزۋ" جونىندەگى 408-بابى بويىنشا ايىپپۇل تولەيتىن بولدى.
"قاراۋسىز ەركىن جايىلۋدى بولدىرماۋ بويىنشا الدىن الۋ جۇمىستارى ۇدايى نەگىزدە جۇرگىزىلەدىاۋىل تۇرعىندارىنا جانۋارلاردىڭ يەلەرى, باقتاشىلار مەن جەرگىلىكتى اكىمدىكتەر اراسىندا ءۇش جاقتى كەلىسىمگە وتىرۋ ارقىلى مالدى ۇيىمداسىپ باعۋعا كوشۋ تۋرالى ۇسىنىس ايتىلدى. مامىر ايىنىن باستاپ ۋچاسكەلىك پوليتسيا ينسپەكتورلارى زاڭناماعا ەنگىزىلەتىن وزگەرىستەر تۋرالى حالىق اراسىندا ءتۇسىندىرۋ جۇمىستارىن جۇرگىزدى. سولتۇستىك قازاقستان وبلىسى اۋماعىندا تامىز ايىنان باستاپ اۋىل شارۋاشىلىق جانۋارلارىن باعۋدىڭ قاعيدالارى قولدانىسقا ەنگىزىلدى. بۇدان بىلاي ەركىن جايىلىمدا جۇرگەن مال ءۇشىن اكىمشىلىك جاۋاپكەرشىلىك قاراستىرىلعان. سوعان قاراماي مالدارىن باعۋسىز جىبەرەتىندەر ءالى دە كوپ", دەيدى قىزىلجار اۋدانى پوليتسيا ءبولىمىنىڭ باستىعى پوليتسيا پولكوۆنيگى ءاليحان بايقاداموۆ.
