"1994 جىلى تۋعان ازاماتشا نەسيە كارتاسىن جوعالتقانىن ءموبيلدى تەلەفونىنا اقشا شەشىلگەنى تۋرالى حابارلاما كەلگەندە ءبىر-اق بىلگەن. ونىڭ نەسيە كارتاسىمەن بىرگە پين-كود ءنومىرى قاعازدا جازۋلى بولعان. ماقات اۋداندىق پوليتسيا ءبولىمىنىڭ قىزمەتكەرلەرىمەن جۇرگىزىلگەن جەدەل-ءىس شارالار كەزىندە كۇدىكتى اقتوبە وبلىسىنىڭ تۇرعىنى ەكەنى انىقتالدى. قازىر 40 جاستاعى ازاماتشاعا قاتىستى قر قىلمىستىق كودەكستىڭ 190-بابىمەن سوتقا دەيىنگى تەرگەۋ جۇرگىزىلۋدە", دەپ حابارلادى دەپارتامەنت باستىعىنىڭ ورىنباسارى نۇرحات ورازباەۆ
ونىڭ مالىمەتىنشە, بيىلعى جىل باسىنان بەرى اتىراۋ وبلىسىندا ينتەرنەت-الاياقتىقتىڭ 400-گە جۋىق دەرەگى تىركەلىپ وتىر. الاياقتىق قىلمىستاردىڭ 150-دەن استامى اشىلىپ, كىنالى ادامدار جاۋاپقا تارتىلىپتى.
