ەلىمىزدە جىلدان جىلعا التىن جۇرەكتى اتىمتاي جومارت ادامداردىڭ قاتارى كوبەيىپ كەلە جاتقاندىعى كوڭىلگە قۋانىش ۇيالاتادى. ولار ءوز قالتالارىنان مىڭداعان, ميلليونداعان قارجى جۇمساپ, جەتىم بالالاردى ايالى قامقورلىققا الىپ, ءۇمىتسىز سىرقاتتاردى شەتەلدىك ەمحانالاردا ەمدەتىپ, مۇقتاجدارعا كومەكتەسىپ, مەكتەپتەر مەن مەشىتتەر, بالالار ۇيلەرىن سالۋدا. وسىنداي قايتارىمسىز قايىرىمدىلىق قازاقستان قوعامى دامۋىنداعى جاقسى نىشانداردى تانىتادى, بىرتە-بىرتە ىزگىلىكتى ادامي قۇندىلىقتاردىڭ العى شەپكە شىعىپ كەلە جاتقانىن كورسەتەدى. سايىپ كەلگەندە, وسىنداي ىزگى امالدار, يگى ىستەر ەلىمىزدى وركەندەتۋگە, مەملەكەتىمىزدى نىعايتىپ كوركەيتۋگە سەپتىگىن تيگىزەرى انىق.
ەلىمىزدە جىلدان جىلعا التىن جۇرەكتى اتىمتاي جومارت ادامداردىڭ قاتارى كوبەيىپ كەلە جاتقاندىعى كوڭىلگە قۋانىش ۇيالاتادى. ولار ءوز قالتالارىنان مىڭداعان, ميلليونداعان قارجى جۇمساپ, جەتىم بالالاردى ايالى قامقورلىققا الىپ, ءۇمىتسىز سىرقاتتاردى شەتەلدىك ەمحانالاردا ەمدەتىپ, مۇقتاجدارعا كومەكتەسىپ, مەكتەپتەر مەن مەشىتتەر, بالالار ۇيلەرىن سالۋدا. وسىنداي قايتارىمسىز قايىرىمدىلىق قازاقستان قوعامى دامۋىنداعى جاقسى نىشانداردى تانىتادى, بىرتە-بىرتە ىزگىلىكتى ادامي قۇندىلىقتاردىڭ العى شەپكە شىعىپ كەلە جاتقانىن كورسەتەدى. سايىپ كەلگەندە, وسىنداي ىزگى امالدار, يگى ىستەر ەلىمىزدى وركەندەتۋگە, مەملەكەتىمىزدى نىعايتىپ كوركەيتۋگە سەپتىگىن تيگىزەرى انىق.
قايىرىمدى جاندار باسقالارعا جاساعان دارقان جاقسىلىقتارى ءۇشىن العىس-اتاق, قۇرمەت-ماراپات دامەتپەيدى. «ءبىر قولىڭمەن جاساعان جاقسىلىعىڭدى ەكىنشى قولىڭ كورمەسىن» دەگەن ەكەن راببىمىز. بىراق جاقسىنىڭ جاقسىلىعىن ءوزى ايتپاسا دا, باسقالاردىڭ ايتقانى, جاقسى ۇلگىنىڭ كوپكە شاشىلىپ پاش ەتىلگەنى عانيبەت قوي. وسى پاراساتتى پارىزدى موينىنا جۇكتەگەن «باۋىرجان» قوعامدىق قورى بيىل جەتىنشى رەت اينالاسىنا شاراپاتى مەن شاپاعاتى مول قايىرىمدى جانداردىڭ ەسىمدەرىن اتادى. ءسويتىپ, ولارعا اباي اتىنداعى اكادەميالىق وپەرا جانە بالەت تەاترىندا 11 اتالىم بويىنشا جىل سايىنعى «التىن ءجۇرەك» ۇلتتىق قوعامدىق سىيلىعى تابىس ەتىلدى.
مىنە, جاندارى ءسۇيىنىپ, مەرەيلەرى تاسىعان مارتەبەلى ماراپات يەلەرى بىرىنەن سوڭ ءبىرى ساحنا تورىنە, القالى قاۋىم الدىنا شاقىرىلىپ جاتىر. «جەتىم بالالارعا كورسەتكەن قامقورلىعى ءۇشىن» نوميناتسياسى بويىنشا تالعار قالاسىنداعى «نۇر» وتباسىلىق بالالار ءۇيىنىڭ ديرەكتورى تۇياق ەسقوجينا «التىن جۇرەك» مۇسىنشەسىن ءبىرىنشى بولىپ الدى. بيىل كوكتەمدە قازاقستان حالقىنىڭ بىرلىگى كۇنى قارساڭىندا تۇياق قازكەنقىزىنىڭ ەلباسى قولىنان «بىرلىك» التىن مەدالىن العانىن دا بىلەمىز. 16 جىلدان بەرى 340 بالانىڭ اناسى بولعان وسىناۋ ابزال جاندى التىن ماراپات تاعى دا لايىعىمەن تاڭداپ, ءدال تاپقانىنا قۋانىپ وتىردىق.
«التىن جۇرەكتىڭ» بۇدان كەيىنگى لاۋرەاتتارى قاتارىندا ءبىلىمدى دامىتۋعا قوسقان ۇلەسى ءۇشىن قىزىلوردا قالاسىنان «نۇراي» جشس, مۇگەدەك جاندارعا كورسەتكەن قامقورلىعىنا وراي جەكە كاسىپكەر عالىمبەك قۇناپيا ۇلى, سپورتتى قولداپ دامىتقانى ءۇشىن اقمولا وبلىسى زەرەندى اۋدانىنداعى «التىنتاۋ – كوكشەتاۋ» جشس, ارداگەرلەرگە كورسەتكەن كومەگى ءۇشىن «الماتىگازسەرۆيس حولدينگ» اق باسقارما توراعاسى جانە «ISKER Company» جشس اكتيۆتەرىنىڭ باسقارۋشىسى بولات ومىراليەۆ, دەنساۋلىق ساقتاۋ سالاسىنا قولداۋ كورسەتكەنى ءۇشىن «امازونكا» قوعامدىق قورىنىڭ ديرەكتورى انجەليكا ساريان, قازاقستاننىڭ وركەندەۋىنە قوسقان ۇلەسى ءۇشىن حالىقارالىق فارماتسەۆتيكالىق Polpharma كومپانيالار توبىنداعى «گەرباپول ليۋبلين» كومپانياسىنىڭ پرەزيدەنتى ەجي ستاراك ماراپاتقا يە بولدى. سونداي-اق, «اشك» جشس باس ديرەكتورى ەسىمحان جاڭاباەۆ جىل مەتسەناتى, «استانا» تەلەارناسىنىڭ «ءبىز بىرگەمىز» باعدارلاماسى اقپاراتتىق قولداۋشى, «ZHERSU» كورپوراتسياسى قاداعالاۋشى كەڭەسىنىڭ توراعاسى باۋىرجان وسپانوۆ جىل قايىرىمگەرى, الماتى قالاسىنداعى «Efes Kazakhstan» كومپانياسى جىل ۇيىمى اتانىپ, «التىن جۇرەكتىڭ» لاۋرەاتتىعىن قانجىعالارىنا بايلادى.
سالتاناتتى ماراپاتتاۋ كەشىنىڭ جان جادىراتار تاماشا دۋمان, تاعىلىمدى جيىن بولىپ وتۋىنە جۇلدىز وماربەكوۆا باستاعان ۇيىمداستىرۋشىلار دا بارىن سالىپتى. مەرەكەلىك شارا عيبراتتى اق تىلەكتەرمەن ايشىقتالىپ, ءان-كۇيمەن ورنەكتەلدى. ارنايى شاقىرىلىپ, ساررەي اعىلشىن گرافتىعىنان كەلگەن الەمگە تانىمال جالعىزقولدى پيانيست نيكولاس ماككارتي ونەر كورسەتتى. مايرا مۇحامەدقىزى, ءمادينا سادۋاقاسوۆا, اقجول مەيىربەكوۆ سىندى قازاقستان ونەر جۇلدىزدارى دا التىن جۇرەكتى ابزال جانداردى اسەم اندەرىمەن ايالاپ باقتى. ۇيىمداستىرۋشىلار القاسى وسىناۋ تانىمال جوباعا جىلما-جىل تۇراقتى اقپاراتتىق قولداۋ كورسەتىپ كەلە جاتقان «ەگەمەن قازاقستان» گازەتىنە ءىلتيپاتتى العىس حات ارناۋدى دا ۇمىتپاپتى.
قورعانبەك امانجول,
«ەگەمەن قازاقستان».
الماتى.
سۋرەتتە: «التىن جۇرەك» سىيلىعىنىڭ لاۋرەاتى تۇياق ەسقوجينا.
سۋرەتتى تۇسىرگەن يۋري بەككەر.
