ەكولوگيا • 25 تامىز، 2020

الماتىدا تاۋ باۋرايلارىنىڭ ءبىرى وتقا وراندى

25 تامىزدا ساعات 13.25-تە تولە بي كوشەسى مەن شىعىس اينالما جولىندا قۇرعاق شوپتەر ورتەنگەنى تۋرالى حابارلاما كەلىپ ءتۇستى. اتالعان جايتتى الماتى قالاسىنىڭ تج دەپارتامەنىڭ ءباسپاسوز قىزمەتى حابارلايدى، - دەپ جازادى Egemen.kz

ايىم ءداۋىت

ءبىرىنشى ءورت ءسوندىرۋ ەسەپتەرى كەلگەندە تولە بي كوشەسىنەن تومەن شىعىس اينالما جولىنىڭ باتىس جاق بەتكەيىندە قۇرعاق شوپتەر جانىپ جاتقانىن انىقتادى. ءورتتىڭ اۋماعى شامامەن 1،5 گەكتاردى قامتىدى. قاتتى سوققان جەل مەن بيىك وسكەن شوپتەردەن بەتكەيدىڭ جوعارى جاعىندا ورنالاسقان جەكە تۇرعىن ۇيلەرگە تارالۋ قاۋپى تۋىندادى. قىزىل جالىن مەن تۇرعىن ۇيلەردىڭ اراقاشىقتىعى 20 مەتردى قۇرادى. جەدەل قابىلدانعان شارالاردىڭ ارقاسىندا ءورت وقشاۋلاندى، 4 ءورت وقپاندارى جىبەرىلىپ، جارىلعىشتار قولدانىلدى.

ءورتتى سوندىرۋگە جەكە قۇرامنان 40 ادام، 9 بىرلىك تەحنيكا جانە اكىمدىكتىڭ 1 سۋ تاسىمالدايتىن اۆتوكولىگى جۇمىلدىرىلدى. قازا بولعاندار مەن زارداپ شەككەندەر جوق. سونىمەن بىرگە، تجد قىزمەتكەرلەرىمەن كەشەندى الدىن الۋ شارالارى جۇرگىزىلەدى. اتاپ ايتقاندا، قالا اۋداندارىنىڭ اكىمدىكتەرىمەن بىرلەسىپ، اشىق اۋماقتارعا جاپسارلاس ءاۆتوموبيلدى جانە تەمىرجول بويىندا مينەرالدانعان جولاق (جول) قۇرۋ بويىنشا شارالار جۇرگىزىلۋدە.

اۋداندارىنىڭ اكىمدىكتەرىمەن 140-تان استام شاقىرىم جول مەن دالامەن جاپسارلاسقان ورىنداردا جەكەمەنشىك سەكتور جالپى اۋماعى 213 گەكتار بولاتىن قۇرعاق ءشوپ شابىلدى. قابىلدانعان شارالار ءوز ناتيجەسىن بەردى اعىمداعى جىلى قۇرعاق ءشوپتىڭ جانۋى 17%-عا تومەندەدى. وسىعان بايلانىستى، تج دەپارتامەنتى وڭتۇستىك استانانىڭ تۇرعىندارى مەن قالا قوناقتارىن قۇرعاق جانە ىستىق اۋا رايىن ەسكەرە وتىرىپ:

- قۋراعان شوپتەرگە تەمەكى قالدىقتارىن تاستاماۋعا;

- قۇرعاق وسىمدىكتەردىڭ جانىندا وت جاقپاۋعا;

- وت تۇتانىپ كەتۋ قاۋپى بار سىنعان شىنىلار مەن بوس قۇتىلاردى قالدىرماۋعا شاقىرادى.

اۋىر زارداپتار ورىن العان جاعدايدا كىنالى ادامدار اكىمشىلىك جانە قىلمىستىق جاۋاپكەرشىلىككە تارتىلاتىن بولادى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.