ەلوردا • 25 تامىز، 2020

ەلوردا اكىمى كاسىپكەرلەرگە ۇندەۋ جولدادى

18 رەت كورسەتىلدى

ەلوردا اكىمى التاي كولگىنوۆ ساۋدا جانە ويىن-ساۋىق ورتالىقتارىنىڭ، ساۋدا ۇيلەرىنىڭ، بازارلاردىڭ، فيتنەس-ورتالىقتاردىڭ باسشىلارىمەن نىساندارداعى قاتاڭ سانيتارلىق نورمالاردىڭ ساقتالۋى جانە كارانتين شارالارىن جەڭىلدەتۋ تۋرالى ونلاين-كەڭەس وتكىزدى، - دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

قالانىڭ باس سانيتارلىق دارىگەرى ايگۇل شاعالتاەۆا قاتاڭ كارانتين ەنگىزىلگەن 5 شىلدەدەن باستاپ كاسىپورىنداردان شامامەن 73 ميلليون تەڭگەگە سانيتارلىق نورمالاردى بۇزۋدىڭ 800 فاكتىسى انىقتالعانىن اتاپ ءوتتى.

«بىرقاتار نىسان ءوز جۇمىسىن باستاعالى ەكىنشى اپتا وتۋدە. قازىر ءبىز ۆيرۋستىڭ ءالى جويىلماعانىن ءتۇسىنۋىمىز كەرەك. جرۆي ماۋسىمى الدىندا كوروناۆيرۋسقا قاتىستى احۋالدى قاداعالاۋ قاجەت. العاشقى كارانتين تاجىريبەسىنە سۇيەنىپ، قاتەلىكتەر جىبەرمەۋ كەرەك. ول ءۇشىن نىسانداردا قاتاڭ سانيتارلىق-ەپيدەميولوگيالىق نورمالاردى ساقتاۋ قاجەت.

ءبىرىنشى. ءتيىستى ورىندارعا ستاتسيونارلىق تەپلوۆيزورلار ورناتۋ ۇسىنىلادى، بۇل 30-40 كەلۋشىنىڭ دەنە قىزۋىن بىردەن ولشەۋگە، ادامدار اعىمىن ءتيىمدى باسقارۋعا مۇمكىندىك بەرەدى. سونىمەن قاتار بۇل قىزمەتكەرلەردىڭ وزدەرىن دە قورعايدى – ءار كەلگەن ادامعا جەكە ءمان بەرۋ جانە تەمپەراتۋرانى ولشەۋ قاجەت بولمايدى. پاندەميا باستالعالى بەرى ءبىز وسىنداي تەپلوۆيزورلاردى قالالىق ەمحانالارعا ورناتتىق. سونداي-اق جەلدەتۋ جۇيەسىنىڭ ۇزدىكسىز جۇمىسىن قامتاماسىز ەتۋ قاجەت، بارلىق جەردە الەۋمەتتىك قاشىقتىق بەلگىلەرى، سانيتايزەرلەر بولۋى كەرەك، ماسكاسىز كىرۋگە تىيىم سالىنادى.

ەكىنشى. سانيتارلىق نورمالاردىڭ بۇزىلۋىن انىقتاۋ بويىنشا رەيدتەر تۇراقتى نەگىزدە جۇرگىزىلەدى. بۇل شارالار قاۋىپسىزدىكتى جاقسارتادى. رەيد بارىسىندا «ارتەم» جانە «Big شانحاي» بازارلارىندا ەسكەرتۋلەر جاسالدى. ولارعا ايىپپۇل سالىندى. سانيتارلىق نورمالاردى اكىمدىك ءۇشىن ەمەس، ينسپەكتورلار ءۇشىن ەمەس، كليەنتتەرىڭىزدىڭ، ازاماتتاردىڭ قاۋىپسىزدىگى ءۇشىن ساقتاۋ كەرەك ەكەنىن ەستە ۇستاعان ءجون. ەندى ءبىز COVID-19 شارتتارىن قابىل الىپ، جاڭا جاعدايعا بەيىمدەلۋگە ءماجبۇرمىز. ەگەر ءار باسشى سانيتارلىق نورمالاردىڭ ساقتالۋىنا جاۋاپكەرشىلىكپەن قاراسا، وندا بۇكىل ۇجىم دا جاۋاپتىلىق تانىتادى. بۇل كەلۋشىلەر قاۋىپسىزدىگى دە قامتاماسىز ەتىلەدى دەگەن ءسوز.

ءۇشىنشى. فيتنەس ورتالىقتارى وكىلدەرىنىڭ ۇسىنىستارىن ەسكەرە وتىرىپ، ءبىز جۇمىس ۋاقىتىن 21: 00-گە دەيىن سوزدىق (بۇرىن 17:00-گە دەيىن بولعان). بۇل باسشىلىقتىڭ كليەنتتەر اعىنىن ۋاقىتىلى سارالاي الۋى ءۇشىن جاسالادى. سونداي-اق ءبىر مەزگىلدە كەلۋشىلەر كوپ بولماۋى جانە تار ءدالىز قۇرىلماۋى ءۇشىن باسقا ساۋدا نىساندارىنداعى جۇمىس ۋاقىتىن سوزۋ جولدارىن قاراستىرامىز»، – دەپ تۇيىندەدى ءسوزىن ەلوردا اكىمى التاي كولگىنوۆ.

ونلاين جينالىستا كاسىپكەرلەر كوتەرگەن بىرقاتار ماسەلەلەر شەشىمىن تاۋىپ، قالعانى جۇمىسقا الىندى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.


سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار