قوستانايلىق مودەل قىز چيرا كوۆالسكي التاي تاۋى جوتاسىنداعى «قاسيەتتى اعاش» جانىندا جالاڭاش سۋرەتكە ءتۇسىپ, ءدىن باسىلارىنىڭ قارعىسىنا ۇشىرادى. بۇل تۋرالى Tengrinews.kz حابارلادى.
وسى كورىنىسكە بايلانىستى التاي رەسپۋبليكاسىنىڭ مادەنيەت ءمينيسترى ۆلاديمير كونچەۆ وزدەرىنىڭ جەرگىلىكتى پروكۋراتۋراسىنا مالىمدەمە جولداپ, مودەل قىزدىڭ ارەكەتىن تەكسەرۋگە ۇسىنىس جاسادى. بۇل ەلدىڭ زاڭىنا سايكەس, مۇنداي زاڭ بۇزۋشىلىق ىسكە 300 مىڭ رۋبل كولەمىندە ايىپپۇل سالىنادى نەمەسە 1 جىل باس بوستاندىعىنان ايىرادى ەكەن.
بۇل ماسەلەگە وراي چ. كوۆالسكي Tengrinews.kz پورتالىنا سۇحبات بەرگەن كەزىندە بىلاي دەدى: «بىزگە جول سىلتەگەن ۇيىمداستىرۋشىدان التاي تاۋى جوتاسىنداعى اعاشقا لەنتالاردىڭ نە سەبەپتى ىلىنگەنىن سۇرادىق. ول سول كەزدە كەلگەن تۋريستەردىڭ بايلاپ كەتكەنىن ايتقان ەدى. سوندىقتان قاسيەتتى ورىندى ايعاقتايتىن جازۋى بار بەلگىلەر ورناتىلۋى ءتيىس».
ءسوزىنىڭ سوڭىندا مودەل قىز التاي ءوڭىرىنىڭ جەرگىلىكتى تۇرعىندارىنان جانە ءدىن باسىلارىنان كەشىرىم سۇراۋعا دايىن ەكەنىن مالىمدەدى.
باقىتبەك كەنەش ۇلى.
